22
ივნისიდღის ზოგადი ასტროლოგიური პროგნოზი
8 ნოემბერს რუსეთში ჯულია ლოკტევის თრილერის "ყველაზე მარტოსული პლანეტა" (The Loneliest Planet) პრემიერა შედგება. ფილმის გადაღებები 2011 წლის ზაფხულში საქართველოში მიმდინარეობდა. მსოფლიო კინოვარსკვლავ გაელ გარსია ბერნალთან ერთად ფილმში ქართველი მთამსვლელი, ბიძინა გუჯაბიძე მონაწილეობს.
მოქმედება ახალგაზრდა წყვილისა და მათი ქართველი გიდის ირგვლივ ვითარდება. ალექსი და ნიკე დაქორწინებამდე კავკასიის მთებში მოგზაურობას გადაწყვეტენ, თუმცა ეს მოგზაურობა მათ ურთიერთობაში საბედისწერო აღმოჩნდება. მოვლენები მშვიდად ვითარდება, ვიდრე წყვილი სამ ადგილობრივ გლეხს არ შეხვდება. ერთი შეხედვით, უმნიშვნელო ინციდენტი ხდება, რომლის შემდეგ ნიკე იწყებს ფიქრს, რომ ალექსს მისი არ ესმის.
ფილმის რეჟისორი და სცენარის ავტორი რუსული წარმოშობის ამერიკელი რეჟისორი ჯულია ლოკტევია.
ფილმის პრემიერა 2011 წელს ლოკარნოს საერთაშორისო კინოფესტივალზე გაიმართა, შემდეგ - ტორონტოს, ნიუ-იორკის, ლონდონის BFI-ისა და ლოს-ანჯელესის AFI-ს კინოფესტივალებზე.
ლოს-ანჯელესში ფილმმა ჟიურის სპეციალური ჯილდო მოიპოვა. 2012 წლის 24 მარტს "ყველაზე მარტოსულმა პლანეტამ" Las Palmas de Gran Canaria International Film Festival-ზე მთავარი ჯილდო "ოქროს ლედი" მიიღო, ნიკას როლის შემსრულებელმა მსახიობმა ჰანი ფურტსტენბერგმა კი საუკეთესო ქალი მსახიობის ნომინაციაში გაიმარჯვა. 2012 წლის 14 აპრილს ფილმი სტამბულის 31-ე საერთაშორისო კინოფესტივალზე ოქროს პრემიით დაჯილდოვდა.
2013 წლის 3 იანვარს ფილმის პრემიერა გერმანიაში შედგება. ჯერჯერობით უცნობია, როდის უჩვენებენ ფილმს საქართველოში.
იხილეთ ვიდეო
