17
ივნისიდღის ზოგადი ასტროლოგიური პროგნოზი
ქარიშხალ "სენდის" სულ ცოტა 13 ადამიანი ემსხვერპლა აშშ-სა და კანადაში, კარიბის ზღვის რეგიონში კი, დაღუპულთა რაოდენობა 70-ს აღწევს. ამის შესახებ ინფორმაციას უცხოური მედია ავრცელებს.
ამერიკის პრეზიდენტის, ბარაქ ობამას განცხადებით, იმის მიუხედავად, რომ ხელისუფლება კარგად მოემზადა სტიქიის წინააღმდეგ, მნიშვნელოვანი ზარალი და ზიანი გამორიცხული არ არის.
პრეზიდენტმა მოუწოდა მოსახლეობას იმ შემთხვევისთვის, თუ აუცილებელი გახდება ევაკუაცია, მკაცრად დაემორჩილონ ხელისუფლების მიერ გაცემულ მითითებებს.
ნიუ-იორკში საქართველოს საკონსულოს ინფორმაციით, სტიქიის შედეგად ქართველების დაშავების შესახებ ინფორმაცია ჯერჯერობით არ მიუღიათ. ამის შესახებ ტელეკომპანია "რუსთავი 2"-თან საუბარში საქართველოს ვიცე-კონსულმა გიორგი ცეკვავამ განაცხადა.
"ჯერ დაზარალებულებზე არანაირი ოფიციალური ინფორმაცია არ არის შემოსული. საქართველოს მოქალაქეები მოსალოდნელი ამინდის შესახებ ორი დღით ადრე გავაფრთხილეთ და ვუთხარით, რომ დამორჩილებოდნენ იმ მითითებებს, რომელსაც ადგილობრივი ხელისუფლება გასცემდა", - აცხადებს გიორგი ცეკვავა.
ამასთან, არსებული ინფორმაციით, სტიქიის ზონაში 2 ათასამდე ქართველი ცხოვრობს.
"გარეთ იქცევა ქვეყანა. არც შუქი მაქვს, არც ცხელი წყალი, არც გათბობა, არც ინტერნეტი და ეს "აიფონიც" ჯდება - ბოლო ძაფი გარესამყაროსთან", - ასე ეხმაურება "ფეისბუქში" ქართველი ჟურნალისტი დავით ნიკურაძე არსებულ ვითარებას.
ქარიშხალი "სენდი" აშშ-ის სანაპირო ზოლს უკვე დაატყდა. ქარის სიჩქარე 140კმ/სთ-ს აღწევს.
ნიუ-იორკის 76 სკოლაში მოწყობილია სპეციალური თავშესაფარები. არ მუშაობს საქალაქო ტრანსპორტი. ჩაკეტილია სატრანსპორტო გვირაბები. გადადებულია 7 ათასზე მეტი ავიარეისი.
ქარიშხალმა დააზიანა ელექტროგადამცემი ხაზები, რის გამოც დაახლოებით 6 მლნ ადამიანი უშუქოდ არის დარჩენილი.
სპეციალისტთა აზრით, ქარიშხლის შედეგად მიყენებული სავარაუდო ზარალი 20 მილიარდ დოლარს მიაღწევს.
იხილეთ ასევე: "რატომ არქმევენ ქარიშხლებს ქალის სახელებს"
