მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლენუკა ყიფშიძე: "მოდის სფეროში პოლიტიკა არ უნდა ერეოდეს!"
23:02 / 27-10-2012
რუბრიკა "სტილის" სტუმარია მსახიობ ზურაბ ყიფშიძის ქალიშვილი, მოდელი ლენუკა ყიფშიძე:
- სამოსს იმის მიხედვით ვირჩევ, სად მივდივარ. ძალიან მიყვარს ჩაცმა და თავის მოვლა. მომწონს საყიდლებზე სიარულიც. ჩაცმა, თავის მოვლა და ავტომობილით სეირნობა კარგ გუნებაზე მაყენებს. სამოსის არჩევისას ხარისხსაც ვაქცევ ყურადღებას, სტილსაც და ბრენდსაც. ვცდილობ, მეცვას ყველასგან გამორჩეულად, მაგრამ საქართველოში ეს ძნელია.
- მამა და ძმა თუ გაძლევენ რჩევას შემოსვისას?
- აზრს ვეკითხები, მაგრამ ისე ვიმოსები, როგორც მომწონს. მაგალითად, როცა მაღალქუსლიან ფეხსაცმელს ვიცვამ, მამაჩემს და ჩემს ძმას ისტერიკა ემართებათ. გიორგი (ლენუკას ძმა, მსახიობი გიორგი ყიფშიძე - თ.ბ.) "დიადია სტიოპას" და "ტკაჩენკოს" მეძახის (იცინის).
- რომელ ქართველ დიზაინერს გამოარჩევდით?
- ქართული მოდა ძალიან განვითარდა. ქართველი დიზაინერები უფრო და უფრო მოსაწონ კოლექციებს ქმნიან. გამოვარჩევ ავთანდილს, დათუნა სულიკაშვილს, ლაკო ბუკიას, თამუნა ინგოროყვას და "ანუკი&ბიჭოლას".
- ქართული ბრენდის "ანუკი&ბიჭოლას" კოლექციის ჩვენება საქართველოში ვერ მოხერხდა. ამბობენ, ეს კახი კალაძის პოლიტიკაში ჩართვის გამო მოხდაო. როგორ ფიქრობ, ერევა პოლიტიკა სამოდელო ბიზნესში?
- ვფიქრობ, საქართველოში აუცილებლად უნდა აჩვენონ "ანუკი&ბიჭოლას" კოლექცია. მათ ძალიან საინტერესო ნამუშევრები აქვთ. არ მივესალმები მოდის სფეროში პოლიტიკის ჩარევას, ასე არ უნდა ხდებოდეს.
- დავით ბაქრაძის მეუღლის მიერ ორგანიზებულ მოდის კვირეულზე დაიბლოკა წარმატებული ქართული ბრენდის - "თიკო და ნინოს" კოლექციის ჩვენება...
- ამ კვირეულზე არ ვყოფილვარ, მაგრამ ცუდია, როდესაც ადამიანს რაიმე ნიშნით გზას უღობავენ - მასაც უჩნდება აგრესია და ადამიანები ერთმანეთს გადაემტერებიან ხოლმე. იმედია, ამიერიდან ასე აღარ მოხდება.
- აქსესუარებზე რას იტყვით?
- ვგიჟდები აქსესუარებზე! აქსესუარების გარეშე თავი შიშველი მგონია. განსაკუთრებით მიყვარს საათები...
- როგორი ჩანთა და ფეხსაცმელი მოგწონს?
- ძალიან მომწონს წვრილქუსლიანი ფეხსაცმელი, რომელიც არასოდეს გადავა მოდიდან. ჩანთა ყველანაირი მიყვარს - გააჩნია, სად მივდივარ.
- მაკიაჟს ყოველდღე იკეთებთ?
- მხოლოდ ტუშს და იშვიათად - რუჟს ვისვამ. ქალი გარეთ რომ გადის, ფორმაში უნდა იყოს. მომწონს გარუჯული კანი. ადრე საერთოდ არ დავდიოდი სოლარიუმში, მეშინოდა, ახლა კი ვსტუმრობ, თუმცა იშვიათად.
- რომელი ქვეყნის პირველი ლედი მიგაჩნიათ გემოვნებიან მანდილოსნად?
- ძალიან მომწონს საფრანგეთის ყოფილი პირველი ლედი კარლა ბრუნი - მოვლილი, გემოვნებიანი და სასიამოვნო გარეგნობის ქალია.
- ქართველი ქალებიდან ვის მიიჩნევ გემოვნებიანად?
- ქართველი ქალების გემოვნება ძალიან დაიხვეწა, ამიტომ ვისიმე გამორჩევა გამიჭირდება.
- რომელ სუნამოს იპკურებ?
- მიყვარს "შანელის" არომატები, კლასიკაა. შეიძლება გამოვიდეს ახალი ბრენდის სუნამო, მომეწონოს, მაგრამ საბოლოოდ მაინც "შანელს" ვამჯობინებ.
- რას ურჩევთ ქალებს?
- იყვნენ მუდამ კარგ განწყობაზე, მოუარონ თავს, კანს, ჯანმრთელობას. სამწუხაროდ, ქალს დაავიწყდა საკუთარი თავის ფასი. მინდა, დაბრუნდეს ის დრო, როდესაც მამაკაცი პატივს სცემდა მანდილოსანს. ქალი სათუთი არსებაა და მას მზრუნველობა სჭირდება.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
