15
ივლისიდღის ზოგადი ასტროლოგიური პროგნოზი
ჩინეთის მოქალაქე ჩჟან ფენგმა საკუთარ მეუღლეს სასამართლოში უჩივლა. მას შემდეგ, რაც ფენგმა შეიტყო, რომ მეუღლეს, გალამაზების მიზნით, მრავალი პლასტიკური ოპერაცია ჰქონდა გაკეთებული, განქორწინება მოითხოვა. განქორწინების შედეგად ჩინელმა ყოფილ ცოლს 120 000 დოლარი წაართვა.
ფენგის ცოლმა გათხოვებამდე პლასტიკურ ოპერაციებზე 100 000 დოლარი დახარჯა, თუმცა ამის შესახებ მომავალი მეუღლისთვის არაფერი უთქვამს.
თავად ჩჟანის თქმით, მას მშვენიერი ქალბატონი დანახვისთანავე შეუყვარდა და მაშინვე ხელი სთხოვა. პრობლემები მაშინ დაიწყო, როდესაც წყვილს შვილი შეეძინა.
ფენგი შეძრული იყო ბავშვის შეუხედაობით და იმ ფაქტით, რომ ახალშობილი არავის ჰგავდა მათ სანათესაოში. შეშინებულმა მამამ მეუღლეს ღალატშიც კი დასდო ბრალი და დნმ-ის ანალიზის ჩატარება მოითხოვა. თუმცა ანალიზმა დაადასტურა, რომ ბავშვის მამა ფენგი იყო. ქმრის ზეწოლით გოგონა იძულებული გახდა ეღიარებინა, რომ პლასტიკური ქირურგის სერვისით რამდენჯერმე ისარგებლა.
შეურაცხყოფილმა ფენგმა განქორწინება მოითხოვა და სასამართლოში სარჩელი შეიტანა იმ მოტივით, რომ ის სიცრუეში ცხოვრობდა.
სასამართლომ განაჩენი ფენგის სასარგებლოდ გამოიტანა. ქმარმა ბავშვი ცოლს დაუთმო. გარდა ამისა, ქალმა ყოფილ ქმარს მორალური კომპენსაციის სახით 120 000 დოლარი უნდა გადაუხადოს.
მომზადებულია lifenews.ru-ის მიხედვით.
