22
მაისიდღის ზოგადი ასტროლოგიური პროგნოზი
პრემიერობის კანდიდატი ბიძინა ივანიშვილი და საპარლამენტო უმცირესობის წევრი ნუგზარ წიკლაური შეკამათდნენ.
ნუგზარ წიკლაური ბიძინა ივანიშვილს საკუთარი სიტყვის, გამონათქვამების, დაპირებების და ქართველი ხალხისთვის წარდგენილი პროგრამის უპატივცემულობაში ადანაშაულებს. როგორც წიკლაურმა პრემიერობის კანდიდატს განუცხადა, ეს დღევანდელი მისი საპარლამენტო შეხვედრისას გაკეთებული განცხადებებით დადასტურდა.
"მინდა მართლა ყველას გასაგონად გკითხოთ - დღეში რამდენჯერმე ცვლით პოზიციას? ჯერ ამბობდით, რომ წაბრძანდებოდით ამერიკაში პირველი ვიზიტით, მაგრამ მერე აღმოჩნდა, რომ თურმე ევროპაში უნდა წახვიდეთ. თქვენ ამბობდით, რომ გადასახადები ელვისებურად დაიწევდა, შემდეგ აღმოჩნდა რომ ასე არ არის. ვერაფერზე ასახელებთ თარიღს, თუ როდის შეასრულებთ ამა თუ იმ დაპირებას. ამბობდით, რომ ხიდს დაანგრევდით, აღარ ვიცით თქვენი პოზიცია ამ ხიდთან დაკავშირებით. როგორ შეიძლება თქვენნაირი ცვალებადი ფსიქიკის ადამიანს დაუჯეროს ადამიანმა და ანდოს ქვეყანა? ამ თვალსაზრისით სოლიდარული ვარ გოგი ოჩიაურთან, რადგან თქვენი გასართობი კი არ არის, არამედ ეს არის ჩვენი სამშობლო და გარწმუნებთ, რომ ამ ქვეყანას ხელში არასდროს ჩაგაგდებინებთ იმ თვალსაზრისით, რომ ის რეფორმები, ის მოდერნიზაცია, რომელიც ამ ქვეყანაში იყო, წაიყვანოთ იქით საიდანაც თქვენ ჩამობრძანდით 9 წლის წინ. საქართველო რუსეთი არ გახდება და საქართველო იქნება დემოკრატიული და თავისუფალი ქვეყანა. გქონდეთ იმედი, რომ ქართული პატრიოტული ელიტა არნახულ შეკავშირებას მოახდენს ერთმანეთთან იმისთვის, რომ თქვენი ამ ტიპის გეგმები არ განახორციელოს", - განაცხადა წიკლაურმა.
თავის მხრივ, ივანიშვილმა წიკლაურს განუცხადა, რომ უმცირესობის იდეოლოგიას მომავალში გასაღების ბაზარი დაეკარგება.
"თქვენ კიდევ ერთხელ შეგახსენებთ, რომ ის რასაც თქვენ იდეოლოგიას ეძახდით და მე დემაგოგიად მოვიხსენიე, პირობას გაძლევთ, მომავალი არ ექნება. თქვენ დაკარგავთ თქვენი დემაგოგიის გავრცელების გასაღების ბაზარს, თუ არ შეიცვლით პლატფორმას და პოზიციას, რისი სურვილიც მე გამაჩნია", - აღნიშნა ივანიშვილმა.
