6
ივლისიდღის ზოგადი ასტროლოგიური პროგნოზი
"სახალხო ბანკის" ყოფილი მფლობელის, მამუკა ჯინჭარაძის ოჯახის წევრებს არ აქვთ ინფორმაცია, შედგა თუ არა რაიმე კომუნიკაცია გიორგი გოგუაძესა და "ლიბერთი ბანკის" წარმომადგენლებს შორის.
"ჩვენი მონაცემებით, გოგუაძე ქვეყანაში უკვე არ არის, იგი თბილისიდან საზღვარგარეთ არის წასული. ამიტომ, არა მაქვს პასუხი, გურგენიძე დაუკავშირდა გოგუაძეს, თუ - პირიქით. ახლა მხოლოდ ის ვიცი, რომ გოგუაძე საქართველოდან წასულია", - განაუცხადა "ინტერპრესნიუსს" მამუკა ჭინჭარაძის გერმა ელენე კოვალენკომ.
რაც შეეხება "ლიბერთი ბანკის" გენერალური დირექტორის, ლადო გურგენიძის განაცხადებას, რომ ბანკის ყოფილ პარტნიორებთან გასარკვევი არაფერი აქვს და ბანკი გოგუაძისგან არ შეუძენია, კოვალენკო აცხადებს: "ჩვენ ვართ სწორედ ის ყოფილი მფლობელები, რომლებსაც ბანკის გაყიდვამდე 50 მილიონი ლარის კაპიტალი ჰქონდათ".
მისივე განმარტებით, ჯერ არ იციან, ვისთან მოუწევთ ურთიერთობების გარკვევა, რადგან, როგორც კოვალენკო ამბობს, ჯერ ისიც არ იციან, "გურგენიძე სად ამბობს მართალს და სად - არა".
"ვიცით ის, რომ ჩვენგან 50 მილიონი ლარის ქონება 9 მილიონ ლარად შეიძინეს",-აღნიშნა კოვალენკომ.
"ლიბერთი ბანკის" გენერალურმა დირექტორმა ლადო გურგენიძემ დღეს პრესკონფერენცია გამართა და გიორგი გოგუაძესთან რაიმე სახის მოლაპარაკება უარყო.
"გიორგი გოგუაძის განცხადება, რომ მას დაეკონტაქტა "ლიბერთი ბანკის" ხელმძღვანელობა, ეროვნულ ბანკთან ერთად და "პრობლემების" მოგვარება მოლაპარაკების გზით შესთავაზეს, სიმართლეს არ შეესაბამება",- აღნიშნა გურგენიძემ.
მისი თქმით, არც ის და არც ბანკის მენეჯმენტიდან არავინ დაკავშირებია გიორგი გოგუაძეს და არც "არაფერი შეუთვლიათ მისთვის".
"პირიქით, გიორგი გოგუაძემ დამირეკა პარასკევს, მას შემდეგ, რაც ეთერით გავიდა მისი განცხადება. ამის გადამოწმება არის მარტივი, ვინ ვის დაურეკა. მე მასთან არ დამირეკავს და არც ვაპირებ დარეკვას ერთი მარტივი მიზეზით - არ არსებობს არანაირი "პრობლემა", რომელიც მოლაპარაკების გზით გადაჭრას საჭიროებს და არარსებულ პრობლემაზე საუბარი საჭირო არ არის", - განაცხადა გურგენიძემ.
მისივე თქმით, მათ 2009 წლის სექტემბერში ბანკის 91% 15 მილიონ დოლარად შეიძინეს.
