5
ივლისიდღის ზოგადი ასტროლოგიური პროგნოზი
18 ოქტომბერს, რუმინეთის დედაქალაქ ბუქარესტიდან აფრენიდან რამდენიმე წუთში საქართველოს პრეზიდენტის თვითმფრინავი აეროპორტში ავარიულად დაეშვა. ინფორმაცია ამის შესახებ პრეზიდენტ სააკაშვილის ადმინისტაციამ გუშინ საღამოს გაავრცელა.
ოფიციალური განცხადების თანახმად, აფრენიდან 10 წუთში ბორტზე შექმნილი ტექნიკური ხარვეზების გამო თვითმფრინავი გაფრენის ნაცვლად აეროპორტში დაეშვა. ადმინისტრაციის განცხადებაში ტექნიკურ ხარვეზად შასისთან დაკავშირებული პრობლემები დასახელდა. თავად აეროპორტის პრესსპიკერის ვალენტინ იორდაჩემის განცხადებით, აეროპორტში დაბრუნების შესახებ გადაწყვეტილება მფრინავებმა დამოუკიდებლად მიიღეს. მისივე თქმით, შემოწმების შედეგად თვითმფრინავს ტექნიკური ხარვეზები არ აღმოაჩნდა და ტექნიკურმა პერსონალმა ის ფრენისთვის უსაფრთხოდ ჩათვალა. პრეზიდენტი საქართველოში იმავე თვითმფრინავით დაბრუნდა.
სააკაშვილის სამთავრობო თვითმფრინავებისთვის ეს პირველი მსგავსი პრეცენდენტია. დღეს საქართველოს პრეზიდენტი ამერიკული კომპანია Gulfstream Aerospace-ის მიერ წარმოებულ ბიზნესკლასის თვითმფრინავს Gulfstream G450-ს იყენებს. რუმინეთში ოფიციალური ვიზიტით სააკაშვილი სწორედ ამ თვითმფრინავით გაემგზავრა. ეს თვითმფრიანვი ერთ-ერთი ყველაზე საიმედოა და ამავე დროს მაღალი საფრენოსნო მახასიათებლებით გამოირჩევა.
თვითმფრინავს ბორტზე მაქსიმალური რაოდენობის, 19 ადამიანის მიღება შეუძლია. თუმცა ტიპიური კონფიგურაცია 12-16 ადამიანზეა გათვლილი.
შედარებით მოკრძალებული გაბარიტების მიუხედავად (თვითმფრინავის სიგრძე 27,2 მ, ფრთის გაქანი - 23,7 მ) ის 935 კმ/სთ-ს ტოლ მაქსიმალურ სიჩქარეს ავითარებს და დაჯდომის გარეშე 8060 კილომეტრის დაფარვა შეუძლია. ამ ციფრის უკეთ წარმოსადგენად გეტყვით, რომ თბილისიდან სინგაპურამდე 7830 კილომეტრია, ტოკიომდე კი - 7830 კილომეტრი. შესაბამისად, საჭიროების შემთხვევაში, თბილისიდან აფრენილი პრეზიდენტის Gulfstream G450 ამომავალი მზის ქვეყნის დედაქალაქში შუალედური დაჯდომის გარეშე ჩაფრინდება. თუმცა ეს სიამოვნება არც ისე იაფია. 2010 წლის მონაცემებით, ახალი Gulfstream G450 38,5 მილიონი დოლარი ღირს.
ახალი "ბორტ 01" საქართველოს პრეზიდენტის განკარგულებაში დაახლოებით წელიწად ნახევარია. იქამდე სამთავრობო ლაინერის ფუნქციებს კანადური წარმეობის CRJ-200 ასრულებდა. ის 50 მგზავრს იტევდა, თუმცა მისი ფრენის მანძილი მხოლოდ 3700 კილომეტრია. ამჟამად თვითმფრინავიდან მოხსნილია სამთავრობოს სტატუსი და ის ავიაკომპანია "აირზენას" შემადგენლობაში რეგულარულ რეისებს ასრულებს.
ახალ Gulfstream G450-ს "სოხუმი" ქვია. ანალოგიურ სახელს ატარებდა ძველი CRJ-200-იც.
ნუკრი მგელაძე
