რუსული პანკ-ჯგუფი Pussy Riot-ი ყველაზე გავლენიანი ხელოვანი ადამიანების რეიტინგში მოხვდა. ასეული ჟურნალმა ArtReview-მ შეადგინა. ჯგუფი რეიტინგში 57-ე ადგილს იკავებს.
რეიტინგს თანამედროვე ხელოვნების გამოფენის - "documenta 13"-ის არტ-დირექტორი კაროლინ ხრისტოვ-ბაკარჯიევი ლიდერობს.
ყოველწლიური რეიტინგის პირველ სამეულში გალერისტები, ლარი გაგოსიანი და აი ვეივეი შედიან, ისინი მეორე და მესამე ადგილებს ინაწილებენ. შარშან სწორედ ჩინელი მხატვარი-დისიდენტი აღიარეს ყველაზე გავლენიან პიროვნებად ხელოვნებაში.
მეოთხე ადგილზე შვეიცარელი გალერისტი ივან ვირტი გავიდა, მეხუთე ადგილს გერმანელი დევიდ ცვირნერი, ხოლო მეექვსეს - თანამედროვეობის ერთ-ერთი ყველაზე ძვირადღირებული მხატვარი გერჰარდ რიხტერი იკავებს.
ასეულში ასევე მოხვდნენ ბრიტანელი მხატვარი დემიენ ჰერსტი (41-ე ადგილი), ამერიკელი ავტორი ჯეფ კუნსი (58-ე ადგილი), იაპონელი ტაკასი მურაკამი (60-ე ადგილი) და დიზაინერი მიუჩა პრადა (93-ე ადგილი).
Pussy Riot-ის სამ წევრს 17 აგვისტოს მოსკოვის ხამოვნიჩის სასამართლომ, 21 თებერვალს მაცხოვრის ტაძარში მოწყობილი აქციისთვის 2 წლით თავისუფლების აღკვეთა შეუფარდა.
მომზადებულია ArtReview-ის მიხედვით.
