თვითმავალი ჩემოდანი

მადრიდელმა დიზაინერმა, როდრიგო გონსალესმა თვითმავალი ჩემოდანი გამოიგონა, რომელიც პატრონს ერთგული შინაური ცხოველივით კუდში დაყვება.

ამ გამოგონების მეშვეობით მოგზაურობასთან დაკავშირებული რამდენიმე პრობლემა გადაიჭრა - ბარგის დაკარგვის და მძიმე ტვირთის საკუთარი ხელით ტარების.

Hop! - ასე ეწოდება თვითმავალ ჩემოდანს, რომელიც სამი მიმღებითაა აღჭურვილი. სამივე მათგანი პატრონის სმარტფონს "ბლუთუზის" მეშვეობით უკავშირდება. ჩემოდანზე დამონტაჟებული ელექტრონული შიგთავსი, ტელეფონის ადგილსამყოფელის შესახებ ინფორმაციას იღებს და ჩემოდანი ავტომატურად მიყვება მითითებულ კოორდინატებს.

ამ ჩემოდანის ატანა თვითმფრინავში, მგზავრებისთვის განკუთვნილ ბორტზეც შესაძლებელია, ვინაიდან მისი ზომები 55 x 40 x 20 სმ-ია.

იხილეთ ვიდეო

მომზადებულია drunov.ru-ს მიხედვით.