7
ივნისიდღის ზოგადი ასტროლოგიური პროგნოზი
ბიძინა ივანიშვილის პრესსამდივნო უარყოფს "ფეისბუქით" გავრცელებულ ინფორმაციას, თითქოს ეკატერინა ხვედელიძემ საქველმოქმედო ფონდი დააარსა.
როგორც პრესსამდივნოს მიერ გავრცელებულ განცხადებაშია ნათქვამი, ბიძინა ივანიშვილის მეუღლეს სოციალურ ქსელში საკუთარი გვერდი არ გააჩნია.
"საინფორმაციო სააგენტოებით ვრცელდება ინფორმაცია, თითქოს, ეკატერინა ხვედელიძემ სოციალურ ქსელ "ფეისბუქში" გამოაქვეყნა ინფორმაცია საქველმოქმედო ფონდის დაარსების შესახებ. გვინდა, კიდევ ერთხელ შეგახსენოთ, რომ ბიძინა ივანიშვილის მეუღლეს არ გააჩნია საკუთარი გვერდი სოციალურ ქსელში. შესაბამისად, "ფეისბუქში" ეკატერინა ხვედელიძის სახელით არსებული პროფილები არის ყალბი და, სავარაუდოდ, გახსნილია როგორც მისი მხარდამჭერების, ისე მოწინააღმდეგების მიერ. გთხოვთ, სოციალურ ქსელში გამოქვეყნებული ნებისმიერი ინფორმაცია, გამოქვეყნებამდე გადამოწმდეს ბიძინა ივანიშვილის პრესსამდივნოსთან", - ნათქვამია პრესსამდივნოს განცხადებაში, რომელიც ბიძინა ივანიშვილის "ფეისბუქის" ოფიციალურ გვერდზე გამოქვეყნდა.
