მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როტერდამის მუზეუმიდან მხატვრების შედევრები მოიპარეს
05:11 / 17-10-2012
ჰოლანდიის კუნსტჰალის მუზეუმში შეპარულ ქურდებს მხოლოდ რამდენიმე წუთი დასჭირდათ, რათა ბოლო ათწლეულის ძარცვა განეხორციელებინათ. მოპარული სურათების საერთო ღირებულება 300 მილიონი ევროა. კუნსტჰალის მუზეუმის დაცვა და პოლიცია ადგილზე განგაშის ამოქმედებიდან 5 წუთში მოვიდა. თუმცა ეს დრო საკმარისი აღმოჩნდა ქურდებისათვის, რათა გოგენის, მატისის, მეიერ დე ჰანის, პიკასოს, ფროიდის და მონეს რამდენიმე ნამუშევარი გაეტაცათ - იუწყება დასავლური პრესა.
ეს ტრიტონის ფონდის კოლექციის პირველი საჯარო გამოფენა იყო და 150 ნამუშევარს შეიცავდა.
"კუნსტჰალის მუზეუმი 20 წლისა, კოლექცია კი უნიკალური იყო. ჩვენ ბევრი სხვა უნიკალური გამოფენაც გვქონია, თუმცა დღემდე ასეთი პრობლემები არ შეგვქმნია. რაც არ უნდა გააკეთო, 100%-იანი უსაფრთხოების უზრუნველყოფა შეუძლებელია", - განაცხადა მუზეუმის დირექტორმა.
ეს ჰოლანდიაში ხელოვნების ნამუშევრების პირველი მასშტაბური ქურდობა როდია, 1991 წელს ამსტერდამში მძარცველებმა ვან გოგის 20 სურათი მოიპარეს.
"სურათები კრიმინალურ სამყაროში წლების განმავლობაში დარჩება. მათ გაყიდვას ვერ შეძლებენ, შესაძლოა დამნაშავეებმა სურათები გაანადგურონ კიდეც. მათი გაყიდვა კი შეუძლებელია", - განაცხადა უსაფრთხოების ექსპერტმა ტონ კერერმა.
პოლიცია ვარაუდობს, რომ მოსალოდნელია გამოსასყიდის მოთხოვნა. უცნობია, როგორ შეძლეს ქურდებმა მაღალი დონის უსაფრთხოების სისტემის განეიტრალება ძალის გამოყენების გარეშე.
მომზადებულია bbc.co.uk-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
