ჯარისკაცი ბავშვები კოლუმბიის ომში

კოლუმბიის პარტიზანული ძალები ბავშვებისა და მოზარდებს ჯარისკაცებად იყენებენ, ამას მოწმობს როგორც ამერიკული კვლევის შედეგები, ასევე კოლუმბიის არმიის მოპოვებული ვიდეო, სადაც ნაჩვენებია თუ როგორ ავარჯიშებენ სამხედრო ფორმაში გამოწყობილ ბავშვებს პარტიზანები. როგორც ყოფილი ბავშვი-ჯარისკაცი სარა მორალესი აცხადებს, პარტიზანები ბავშვებს იტაცებენ და მათ საკუთარი ოპერაციებისათვის იყენებენ. ხშირია ძალადობა, მათ შორის გაუპატიურება და არაადამიანური მოპყრობა.

კვლევის ხელმძღვანელის ნატალია სპრინგერის თქმით, ბავშვებს თითქმის იგივე ფუნქციები აკისრიათ რაც მოზრდილებს, მათ შორის განაღმვით ოპერაციებში მონაწილეობა და შეიარაღების გადატანა. კვლევის შედეგების მიხედვით, ბოლო ხანებში ბავშვების ჯარისკაცებად გადაქცევის პრაქტიკა გახშირდა და ამ მომენტისათვის კოლუმბიის პარტიზანულ ძალებში დაახლოებით 18000 ბავშვი და მოზარდი ირიცხება. კოლუმბიის მთავრობა კვლევის შედეგებს გაზვიადებულად მიიჩნევს და აცხადებს, რომ პრობლემა მართლაც არსებობს, მაგრამ უფრო მცირე მასშტაბით.

ომი კოლუმბიის მთავრობასა და მემარცხენე პარტიზანულ დაჯგუფებებს შორის (FARC, NLA) უკვე 40 წელზე მეტია გრძელდება. სამხედრო და ფინანსურ დახმარებას მემარცხენეებს ვენესუელა და ეკვადორი უწევენ.

მომზადებულია cnn-ის მიხედვით.