მნიშვნელოვანი ინფორმაცია
23
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დემიენ ჰერსტი 9 000 პეპლის განადგურებაში დაადანაშაულეს
06:29 / 15-10-2012
ცხოველთა დამცველებმა თანამედროვეობის ერთ-ერთი ყველაზე წარმატებული მხატვარი, ბრიტანელი დემიენ ჰერსტი 9 000 პეპლის განადგურებაში დაადანაშაულეს.
ჰერსტს ცხოველთა დამცველების კრიტიკა თავს მას შემდეგ დაატყდა, რაც ლონდონის გალერა Tate Modern-მა მხატვრის რეტროსპექტული გამოფენა გახსნა, მწერები მან ერთ-ერთი ინსტალაციისთვის გამოიყენა.
ჰერსტის ყველაზე ცნობილ ნამუშევრებს შორის წარმოდგენილი იყო ინსტალაცია ცოცხალი პეპლებით "შეიყვარო და გადაიყვარო" (In and Out of Love). მაყურებლებს უფანჯრო ოთახში გავლას სთავაზობდნენ, რომელშიც პეპლები თავისუფლად დაფრინავდნენ და ოთახში განლაგებულ ხილსა და დამთვალიერებლის ტანსაცმელზე სხდებოდნენ. მწერების ნაწილი კი თეთრ ტილოზე ქინძისთავებით იყო მიმაგრებული.
ყოველ კვირას Tate-ში 400 ახალი მწერი მიჰყავდათ, რომ დაღუპულები შეეცვალათ. გალერეის ადმინისტრაციის ინფორმაციით, გამოფენის მიმდინარეობისას - 23 კვირის განმავლობაში 9 000 პეპელა დაიღუპა. ამასთან, ბევრი მათგანი დამთვალიერებლებმა შემთხვევით მოკლეს. გამოფენის სტუმრები მწერებს ტანსაცმლიდან იფერთხავდნენ.
"ეს ნებისმიერი სხვა ცხოველი რომ ყოფილიყო, მაგალითად, ძაღლი, საზოგადოება აღშფოთდებოდა. რადგან ისინი პეპლები არიან, ეს არ ნიშნავს, რომ გაფრთხილება არ სჭირდებათ",-განაცხადა ცხოველთა დამცველი საქველმოქმედო ფონდ RSPCA-ს წარმომადგენელმა.
გალერეის ანოტაციაში ექსპოზიციის შესახებ ნათქვამი იყო, რომ ინსტალაცია "შეიყვარო და გადაიყვარო" "სიცოცხლისა და სიკვდილის, სილამაზისა და სიმახინჯის" თემებს ეხება. Tate-ში ყვებიან, რომ მწერები სპეციალური საშენებიდან მოჰყავდათ და მათთვის ყველა პირობა იყო შექმნილი.
გამოქვეყნებულმა ინფორმაციამ ბრიტანული "პეპლების შემნახველი" ორგანიზაციის პროტესტი გამოიწვია.
მომზადებულია The Sunday Telegraph-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
