26
მაისიდღის ზოგადი ასტროლოგიური პროგნოზი
კოალიცია "ქართული ოცნება" პარლამენტში კიდევ სამ მაჟორიტარს შეიყვანს. გუშინდელი განმეორებითი კენჭისყრის შედეგების გათვალისწინებით, სიღნაღში "ქართული ოცნების" კანდიდატს ამომრჩეველთა საერთო რაოდენობის 49.09%-მა დაუჭირა მხარი , "ერთიანი ნაციონალური მოძრაობის" კანდიდატ ლევან ბეჟაშვილს კი - 47%-მა. გუშინ სიღნაღში განმეორებითი კენჭისყრა მხოლოდ ერთ უბანზე ჩატარდა, სადაც გელა გელაშვილმა 356 ხმა მიიღო (50.5%), ხოლო ლევან ბეჟაშვილმა 86 ხმა (14.03%).
გორის საარჩევნო ოლქში "ქართული ოცნების" კანდიდატ მალხაზ ვახტანგაშვილს 47.43% უჭერს მხარს, ხოლო "ერთიანი ნაციონალური მოძრაობის" კანდიდატ გიორგი ტატიშვილს 46.19%. გუშინდელი შედეგების მიხედვით კი, ტატიშვილმა 32 ხმა მიიღო ( 7.41%), ვახტანგიშვილმა კი - 397 ხმა. (91.9%).
ხაშურის საარჩევნო ოლქის შედეგების მიხედვით, "ქართული ოცნების" კანდიდატ ვალერი გელაშვილს ამომრჩეველთა 57.75% უჭერს მხარს, "ერთიანი ნაციონალური მოძრაობის" კანდიდატ სერგო ქიტიაშვილს კი - 33.61%.
აღნიშნული მონაცემების მიხედვით, "ქართული ოცნება" ახალ პარლამენტში 41 მაჟორიტარულ ადგილს მიიღებს; "ერთიანი ნაციონალური მოძრაობა" - 32 მანდატს.
