ქართულ ფარმაცევტულ ბაზარზე ფასები მცირდება

ქართულ ფარმაცევტულ ბაზარზე ფასები მცირდება. თბილისის აფთიაქებში რიგ მედიკამენტებზე ფასებმა დაიწია, რასაც წინ კოალიცია "ქართული ოცნების" ლიდერის, ბიძინა ივანიშვილის ბიზნესმენებთან შეხვედრა უძღოდა, რომელზეც ივანიშვილმა ბიზნეს-სექტორს მოუწოდა, "ჭკუას მოუხმონ და მოგონილი ფასები დაწიონ".

როგორც კომპანია "პე-ეს-პე"-ში ამბობენ, მედიკამენტებზე ფასების შემცირება პერმანენტულად უკვე რამდენიმე წელია, მიმდინარეობს.

"წამლებზე ფასების გაიაფება მანამდეც ხდებოდა, დღესაც გრძელდება და მომავალშიც გაგრძელდება, თუმცა ერთბაშად გაიაფება არ იგეგმება", - განაცხადეს "პე-ეს-პე"-ში.

"ფასების შემცირება პარალელურ რეჟიმში მუდმივად მიმდინარეობს. ჩვენ მუდმივად ვახორციელებთ ფასების კონტროლს და როცა ამის შესაძლებობა არსებობს, ყოველთვის ვამცირებთ და მომავალშიც ასე გაგრძელდება", - განმარტეს "ავერსში".

რა? სად? რა ფასად?

გაიგეთ ”რადიო მარკეტში”

ყოველ სამუშაო დღეს 10:50 და 11:50 საათზე

რადიო ”პალიტრის” ეთერში - FM 103.9