1
ივნისიდღის ზოგადი ასტროლოგიური პროგნოზი
კოლუმბიის უნივერსიტეტის პროფესორი, ლინკოლნ მიტჩელი საქართველოს პრემიერ-მინისტრობის კანდიდატის, ბიძინა ივანიშვილის მიერ დასახელებულ ახალი მთავრობის წევრებს დადებითად ახასიათებს.
რადიო "თავისუფლების" კორესპოდენტის შეკითხვაზე- როგორ დაახასიათებდა ბიძინა ივანიშვილის მიერ ნომინირებულ მინისტრობის კანდიდატებს, მიტჩელმა აღნიშნა, რომ წინა მთავრობისგან განსხვავებით "ესენი მუშტებზე არ იყურებიან, წყნარი და გაწონასწორებული ხალხია".
"ვფიქრობ, ისინი თავიანთ წინამორბედებზე უფრო ეფექტურები იქნებიან. ეს არ არის ხალხი, რომელთაც იდეოლოგიური მოტივები ამოძრავებთ, მათ არ აწუხებთ ხელისუფლებაში დარჩენის მანია და არ ჭირდებათ ყოველი ქვის ქვეშ რუსეთის ხრიკები ეძებონ. მსგავსმა პოლიტიკამ სააკაშვილის მთავრობას ხელი შეუშალა მიეღწია საგარეო პოლიტიკაში დასახული მიზნებისათვის", - ამბობს მიტჩელი.
რაც შეეხება კონკრეტულ კანდიდატებს, საგარეო საქმეთა მინისტრობის კანდიდატ მაია ფანჯიკიძეს მიტჩელი ახასიათებს, როგორც გამოცდილ და რესპექტაბელურ დიპლომატს.
"ის არის გამჭრიახი, ერკვევა დიპლომატიაში და არის მეტნაკლებად გამოცდილი ვიდრე სააკაშვილის სავარაუდო კადრები ამ პოზიციისათვის. რაც შეეხება შინაგან საქმეთა მინისტრობის კანდიდატ ირაკლი ღარიბაშვილს, მიუხედავად ახალბედობისა, ღარიბაშვილი არის კომპეტენტური და კარგი "შემსრულებელი" ადმინისტრატორი, რაც მნიშვნელოვანწილად წარმოადგენს კარგი შინაგან საქმეთა მინისტრის მთავარ ღირსებას"-ამბობს მიტჩელი.
მან საქართველო-რუსეთის ურთიერთობების სავარაუდო პერსპექტივებსა და თვითგამოცხადებული რესპუბლიკების პრობლემაზეც ისაუბრა და აღნიშნა, რომ "რუსეთთან ურთიერთობის ნორმალიზებას უნდა ველოდოთ".
"მაგრამ ისინი, ვინც ფიქრობს, რომ საქართველო ავღანეთიდან ჯარების გამოყვანას, ნატოსთან დამშვიდობებას და რუსეთის ან ახალი საბჭოთა კავშირის ნაწილად გახდომას აპირებს, ძალზე ცდებიან. რაც შეეხება აფხაზეთისა და სამხრეთ ოსეთის საკითხს, ამ მხრივ დაუყოვნებლივ ცვლილებებს არ ველოდები. ვფიქრობ კარგი იქნება თუ ახალი მთავრობა შეეცდება შეამციროს მათი დამოკიდებულება რუსეთზე სამოქალაქო საზოგადოებისა და დასავლეთთან ურთიერთობის გამოყენებით", - დასძინა მიტჩელმა
