ბრიტანელი სტუდენტი საფრთხობელად მუშაობს

22 წლის ბრიტანელმა სტუდენტმა ფულის შოვნის ორიგინალურ ხერხს მიაგნო - ის საფრთხობელად მუშაობს. ჯეიმი ფოქსი მთელი დღე სუფთა ჰაერზე ზის, კითხულობს წიგნს, ან გიტარაზე უკრავს, მაგრამ როგორც კი თვალთახედვის არეში ფრინველები მოხვდება, მაშინვე ფეხზე წამოხტება და აფრთხობს მათ.

იმისათვის, რომ ჩიტები დააფრთხოს, ჯეიმის ნარინჯისფერი კოსტუმი აცვია, ხმამაღლა ყვირის და აკორდეონზე დაკვრას იწყებს.

ამ შრომისთვის ბრიტანელს კვირაში 400 დოლარს უხდიან. ამ ფულით ის ახალ ზელანდიას ტურისტად ეწვევა. მისივე თქმით, მას მოსწონს მთელი დღე სუფთა ჰაერზე, მინდვრებში ყოფნა. 

"მთელი დღის განმავლობაში მაქვს დრო, რომ ვიფიქრო მომავალზე, იმაზე თუ ვინ მინდა გამოვიდე მომავალში", - განაცხადა ჯეიმი ფოქსმა.

"ჯეიმი შესანიშნავად ართმევს თავს საქმეს, ნამდვილად ვგრძნობთ განსხვავებას. დანაკარგი თვალსაჩინოდ შემცირდა", - განაცხადა ფერმერმა, რომელმაც ჯეიმი დაასაქმა.

მომზადებულია newsbang.net-ის მიხედვით.