კახი კალაძე - ინფრასტრუქტურული პროგრამები გაგრძელდება და უფრო საინტერესო პროექტებიც დაემატება

საქართველოს მასშტაბით დაწყებული სხვადასხვა ინფრასტრუქტურული პროგრამები გაგრძელდება და უფრო საინტერესო პროექტებიც დაემატება, - ამის შესახებ ჟურნალისტებს რეგიონული განვითარებისა და ინფრასტრუქტურის მინისტრობის კანდიდატმა კახი კალაძემ განუცხადა.

მისივე განმარტებით, საქართველოში ჯერ კიდევ არის რაიონები, სადაც წყლისა და გაზის მიწოდება პრობლემაა. შესაბამისად კალაძე მისი მინისტრობის პერიოდში ამგვარი პრობლემების აღმოფხვრას სრულიად საქართველოს მასშტაბით გეგმავს.

მისივე განცხადებით, დაწყებულ პროგრამებს უფრო საინტერესო პროექტები დაემატება, ხოლო რაც შეეხება სამინისტროს თანამშრომლებს, კალაძე პირობას დებს, რომ თანამშრომლები საკუთარ ადგილებს შეინარჩუნებენ და სამინისტროში დიდი საკადრო ცვლილებები არ განხორციელდება.

"ინტერპრესნიუსი"