4
ივნისიდღის ზოგადი ასტროლოგიური პროგნოზი
ჩვენი მიზანია, ეს კვირა, როგორც მშვიდობიანი ტრანსფორმაციით დაიწყო, ისევე დასრულდეს, - ამის შესახებ აშშ-ის ელჩმა საქართველოში რიჩარდ ნორლანდმა ზუგდიდში გამართული აქციის დროს განაცხადა.
აქცია "ქართული ოცნების" ერთ-ერთი ლიდერის, ზუგდიდის მაჟორიტარობის კანდიდატის, ირაკლი ალასანიას მხარდასაჭერად გაიმართა და, როგორც აშშ-ის ელჩმა აღნიშნა, "აქციაზე დამკვირვებლის სტატუსით იმყოფება, რადგან სამეგრელო სპეციფიკური რეგიონია".
"ეს შესანიშნავი კვირა იყო საქართველოს ისტორიაში. დემოკრატიული არჩევნების შედეგად მოხდა ხელისუფლების მშვიდობიანი ცვლა, მაგრამ პროცესი სრულად არ დასრულებულა. ქვეყნის ზოგიერთ ნაწილში საოლქო საარჩევნო კომისიები აგრძელებენ მუშაობას, რომ დადგინდეს, ვინ გაიმარჯვა არჩევნებში. საერთაშორისო თანამეგობრობის მრავალ წევრთან ერთად ვაკვირდებოდი ამ არჩევნებს და აქაც დამკვირვებლის სტატუსით ვიმყოფები. რატომ სამეგრელო?! იმიტომ, რომ ეს სპეციფიკური რეგიონია და აქ სპეციფიკური დინამიკაა. ჩვენი მიზანია, უზრუნველვყოთ, რომ როგორც მშვიდობიანი ტრანსფორმაციით დაიწყო ეს კვირა, ასევე დასრულდეს. მნიშვნელოვანია, რაც აღნიშნა ირაკლი ალასანიამ, რომ საოლქო კომისიებში პარტიების წარმომადგენლებმა და პროფესიონალებმა გააგრძელონ მუშაობა შიშისგან თავისუფალ გარემოში. მთელი მსოფლიო უყურებს საქართველოს და იმედი აქვს, რომ ეს პროცესი მშვიდობიანად დასრულდება. უმნიშვნელოვანესია, რომ შედეგებზე არსებობული დავა განხილული იყოს სამართლებრივად. როგორც პრეზიდენტმა ობამამ და სახელმწიფო მდივანმა კლინტონმა განაცხადეს, ჩვენ ვულოცავთ ქართველ ხალხს. მე გასულ კვირასაც ვიყავი ზუგდიდში და ისევ სიამოვნებით დავბრუნდები", - აღნიშნა რიჩარდ ნორლანდმა.
ზუგდიდში ირაკლი ასალანიას მხარდამჭერი აქცია 15:00 საათიდან იმართება. ალსანიას მხარდამჭერთა თქმით, ზუგდიდში არჩევნები როლანდ ახალაიას სასარგებლოდ გაყალბდა.
ზუგდიდში ჩავიდნენ, აგრეთვე, გუბაზ სანიკიძე, თეა წულუკიანი, ეკა ბესელია და კოალიციის სხვა წარმომადგენლები.
