მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საქართველოში ხვალ, 1-ელ ოქტომბერს საპარლამენტო არჩევნები ჩატარდება
10:34 / 30-09-2012
საქართველოში ხვალ, 1-ელ ოქტომბერს საპარლამენტო არჩევნები ჩატარდება. საქართველოს ცენტრალური საარჩევნო კომისიის მონაცემებით, ამომრჩეველთა საერთო რაოდენობა 3 613 851 შეადგენს. ქვეყნის მასშტაბით 84 საარჩევნო ოლქი, 3 668 ჩვეულებრივი და 71 გამონაკლის შემთხვევებში შექმნილი უბანი იმოქმედებს. უბნები 07:00 საათზე გაიხსნება, ხმის მიცემა 08:00 საათზე დაიწყება, 20:00 საათზე კი კენჭისყრა დასრულდება და უბნები დაიხურება.
1-ელი ოქტომბრის საპარლამენტო არჩევნებში მონაწილეობას 14 პოლიტიკური პარტია და ორი ბლოკი მიიღებს. ესენია: პ/გ "კახა კუკავა - თავისუფალი საქართველო" (საარჩევნო ნომერი 1), ეროვნულ-დემოკრატიული პარტია" (საარჩევნო ნომერი 4)",ერთიანი ნაციონალური მოძრაობა-მეტი სარგებელი ხალხს" (საარჩევნო ნომერი 5), "სამართლიანი საქართველოსთვის" (საარჩევნო ნომერი 9), ბლოკი "გიორგი თარგამაძე - ქრისტიან-დემოკრატიული გაერთიანება" (საარჩევნო ნომერი 10), "სახალხო მოძრაობა" (საარჩევნო ნომერი 17), "თავისუფლება-ზვიად გამსახურდიას გზა" (საარჩევნო ნომერი 19), პ/გ "ჯონდი ბაღათურია - ქართული დასი" (საარჩევნო ნომერი 23), პ/გ "ახალი მემარჯვენეები" (საარჩევნო ნომერი 24), "სახალხო პარტია" (საარჩევნო ნომერი 26), "მერაბ კოსტავას საზოგადოება" (საარჩევნო ნომერი 30), "მომავალი საქართველო" (საარჩევნო ნომერი 35), "საქართველოს მშრომელთა საბჭო" (საარჩევნო ნომერი 36), "შალვა ნათელაშვილი - საქართველოს ლეიბორისტული პარტია" (საარჩევნო ნომერი 38), "საქართველოს სპორტსმენთა კავშირი" (საარჩევნო ნომერი 40) და საარჩევნო ბლოკი - "ბიძინა ივანიშვილი - ქართული ოცნება" (საარჩევნო ნომერი 41).
საქართველოს საპარლამენტო არჩევნებისთვის 45 საარჩევნო უბანი გაიხსნება საზღვარგარეთ. ცენტრალური საარჩევნო კომისიის მონაცემებით, არჩევნებში მონაწილების საშუალება საქართველოს 42 613 მოქალაქეს ექნება. ყველაზე მეტი - 4 საარჩევნო უბანი საბერძნეთში გაიხსნება, სადაც საქართველოს მოქალაქეების ყველაზე დიდი კონცენტრაციაა, 3-3 უბანი თურქეთსა და უკრაინაში, 2-2 - აშშ-სა და ესპანეთში ამოქმედდება. საარჩევნო უბნები ასევე იქნება ვენაში, ბაქოში, ტალინში, ლონდონში, რომში, ვარშავაში, ერევანში, ოდესაში, დონეცკში, ბერნში, პრაღაში, ოტავაში, ბუდაპეშტში, ლისაბონსა და სხვა ქალაქებში.
ქვეყნის მოსახლეობა მე-7 მოწვევის საკანონმდებლო ორგანოს 4 წლის ვადით აირჩევს. პარლამენტი 150 დეპუტატისგან შედგება, რომელთა შორის 75 პროპორციული საარჩევნო სისტემის, 75 კი ერთმანდატიან საარჩევნო ოლქებში მაჟორიტარული საარჩევნო სისტემის საფუძველზე აირჩევა. კანონის თანახმად, მაჟორიტარობის კანდიდატმა ამომრჩევლის მინიმუმ 30%-ის მხარდაჭერა უნდა მიიღოს, რათა პირველივე ტურში გამარჯვებულად გამოცხადდეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
