ქუთაისში "ქართული ოცნების" აქცია დაიწყო

ქუთაისში "ქართული ოცნების" აქცია დაიწყო. შეკრებილ მხარდამჭერებს კოალიციის ქუთაისის მაჟორიტარი დეპუტატობის კანდიდატმა გუბაზ სანიკიძემ მიმართა.

როგორც სანიკიძემ აღნიშნა, ქუთაისი მუდამ ერთიანი საქართველოს მედროშე ქალაქი იყო და ასეთად დარჩება.

"ორი დღეში საქართველოს ხელახლა დაბადება იქნება. მთელი საქართველო სამოქალაქო გმირობის ასპარეზად იქცა. ასეთი ფაქტი ორი დღის წინ მოხდა ქუთაისში და სახელოვანმა მესხიშვილის სახელობის თეატრმა თავისი "კი" უთხრა მომავალს. მოხარული ვარ, რომ დღეს ვარ ადამიანებთან, რომლებამც არნახულ ფსიქოლოგიურ და მორალურ ზეწოლას გაუძლეს", - აღნიშნა გუბაზ სანიკიძემ და სიტყვა მსახიობ მარიკა სამანიშვილს გადასცა.

როგორც "ინტერპრესნიუსის" კორესპონდენტი ქუთაისიდან იუწყება, კოალიციის აქციაში ათი ათასობით ადამიანი მონაწილეობს.

"ინტერპრესნიუსი"