10
ივნისიდღის ზოგადი ასტროლოგიური პროგნოზი
საქართველოში ვერასოდეს მოვა ისეთი მთავრობა, რომელსაც მეტად უნდოდეს ბათუმის და აჭარის განვითარება, ვიდრე ეს ჩვენს მთავრობას სურს, - ამის შესახებ საქართველოს პრეზიდენტმა ბათუმში, "ნაციონალური მოძრაობის" წინასაარჩევნო შეკრებაზე განაცხადა.
მიხეილ სააკაშვილის თქმით, ხალხმა არ უნდა დაუშვას, რომ აღმშენებლობა, რომელიც მიმდინარეობს, შეჩერდეს.
"ვერასოდეს მოვა ისეთი მთავრობა, რომელსაც მეტად უნდოდეს ბათუმისა და აჭარის განვითარება, ვიდრე - ჩვენს მთავრობას. ამიტომ გვინდა თქვენი დახმარება, რათა ეს სასწაული, რომელსაც ერთად ვქმნით, არავინ შეაჩეროს. პოლიტიკა, რომელიც ვინმეს გამილიონერებას ემსახურება, უზნეოა. მეტი სამუშაო ადგილი და მეტი სარგებელი ხალხისთვის არის პოლიტიკა, რომელიც მე მესმის", - აღნიშნა პრეზიდენტმა.
მიხეილ სააკაშვილმა საზღვარგარეთ მცხოვრები ქართველების ნიჭზეც ისაუბრა და აღნიშნა, რომ საქართველოს წარმოუდგენელი ტალანტები ჰყავს, რომლებიც და ქვეყნის მომავლის სადარაჯოზე დგანან.
მისივე თქმით, დადგა ეპოქა, როდესაც ასეთი ტალანტები საქართველოს უმაღლეს სასწავლებლებშიც გაიზრდებიან.
"ჩვენი მთავარი მიზანია, ბავშვებს მსოფლიოში საუკეთესო განათლება მივცეთ. დიპლომს, რომელსაც ბათუმის ტექნოლოგიური უნივერსიტეტი გასცემს, არის პრესტიჟული მსოფლიო მასშტაბით. ასევე გავაკეთებთ ყველგან უნივერსიტეტებს. დავიწყეთ ძალიან დიდი კურორტის მშენებლობა მაღალმთიან აჭარაში, რათა სიღარიბე, რომელიც მემკვიდრეობით მივიღეთ, ჩვენს შვილებს არ გადავცეთ. მნიშვნელოვანია, თითოეული ადამიანი ბოლომდე იყოს დაცული. უნდა შევინარჩუნოთ კრიმინალთან ბრძოლის ის დონე, რომელიც გვაქვს. ბათუმში ახალ სამ საავადმყოფოს გავხსნით უახლოეს დღეებში და ყველა ადამიანის ჯანდაცვა იქნება უზრუნველყოფილი. ეს ყველაფერი უცხოელებისთვის არ მინდა. ჩემი სათაყვანებელი ჩემი ხალხია და ყველაფერი, გადამზადების ცენტრებით, საავადმყოფოებით, ახალი სკოლებით, უნივერსიტეტებით დაწყებული და ჩემი სიცოცხლით დამთავრებული, თქვენ გეძღვნებათ", - აღნიშნა მიხეილ სააკაშვილმა.
საქართველოს პრეზიდენტის თქმით, ლევან ვარშალომიძეს, რომელსაც "ლაპარაკზე უკეთ საქმის კეთება ეხერხება", დაფიცებული აქვს, რომ ბათუმში "ბარაკები" აღარ იარსებებს და მთელს აჭარაში ყველა ოჯახს ღირსეული საცხოვრებელი ექნება.
დღესვე "ნაციონალური მოძრაობის" წიანსაარჩევნო შეხვედრაზე გერმანიაში მცხოვრებმა ქართველმა მუსიკოსმა, მარიამ წიკლაურმა რამდენიმე სიმღერა შეასრულა.
