მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დილაობით, შემოწმებისას, გვაიძულებდნენ გავშიშვლებულიყავით, შემდეგ კი შეუბრალებლად გვცემდნენ"
23:02 / 29-09-2012
რეზინისა და რკინის ხელკეტი, სიგარეტი, ცოცხი - ეს იმ ნივთების არასრული ჩამონათვალია, რომლითაც საქართველოს ციხეებში პატიმრებს აწამებენ და აუპატიურებენ. ბოლო დღეებში სატელევიზიო ეთერში ნაჩვენები კადრები იყო იმის დასტური, რაზეც ადამიანის უფლებათა დამცველები და პრესა დიდი ხანია საუბრობდნენ, ნანახმა საზოგადოება შოკში ჩააგდო. პენიტენციურ სისტემაში, კერძოდ კი, გლდანის მე-8 საპყრობილეში არსებული საგანგაშო მდგომარეობის შესახებ ლაპარაკი იყო სახალხო დამცველის ყოველწლიურ ანგარიშშიც, ესაა ნათელი მაგალითი იმისა, თუ რა ხდება ზოგადად საქართველოს ციხეებში.
ასეთივე მდგომარეობაა ქუთაისის მე-2 სასჯელაღსრულების დაწესებულებაში.
"დილაობით, შემოწმებისას, გვაიძულებდნენ გავშიშვლებულიყავით, რის შემდეგაც, ვიდრე არ მობეზრდებოდათ, შეუბრალებლად გვცემდნენ. რამდენიმე საათს გვამყოფებდნენ ხელებდაწყობილს და თუ რომელიმე დავიღლებოდით, კოლექტიურად გვსჯიდნენ და ცივ წყალს გვასხამდნენ", - ამბობს პატიმარი გიორგი გ.
ქუთაისის მე-2 სასჯელაღსრულების დაწესებულებაში 1464 პატიმარია, მათი უმრავლესობა ამბობს, რომ თანამშრომლები უხეშად და დამამცირებლად ექცევიან. ბევრი პატიმარი უარს ამბობს კანონით გათვალისწინებული ვადით, ერთი საათით გასეირნებაზე, რადგან იმ შემთხვევაშიც კი, თუ ერთი პატიმარი მეორეს მიესალმება, გასეირნება წყდება და მათ აბრუნებენ საკნებში. პატიმრები აცხადებენ, რომ დაწესებულების შინაგანაწესის დარღვევის შემთხვევაში, სამარტოო საკანში გადაყვანის ნაცვლად, როგორც ამას კანონი ითვალისწინებს, მათი უმრავლესობა ე.წ "ბოქსებში" გადაჰყავთ. "ბოქსი" 2-3 კვმ ფართობის საკანია, სადაც არ დგას მაგიდა, სკამი, საწოლი, დასჯილი პატიმრები კი 3-იდან 24 საათამდე ფეხშიშველი, საცვლებისამარა დგანან, რადგან ადმინისტრაციის თანამშრომლები იატაკზე წყალს ასხამენ, პატიმრებს წამოწოლის საშუალება რომ მოუსპონ. მდგომარეობის გაუარესება 2011 წლის ივლისიდან დაიწყო, რასაც პატიმრების უმრავლესობა დირექტორის შეცვლას უკავშირებს.
დაწესებულებაში გამეფებულ შიშზე მეტყველებს ისიც, რომ პატიმრების თქმით, ისინი უკიდურესი საჭიროების შემთხვევაშიც კი ერიდებიან სამედიცინო დახმარების მოთხოვნას. სახალხო დამცველის ბოლო ანგარიშში ნათქვამია, რომ პატიმრებმა იმ პირობით გაბედეს მასთან გასაუბრება, თუ არ დაასახელებდნენ მათ ვინაობას და მხოლოდ ინიციალებით მოიხსენიებდნენ. პატიმარი გიორგი ს.: "საკნის ჩხრეკის შემდეგ გამომიყვანეს საკნიდან, ადმინისტრაციის თანამშრომლებმა დამიწყეს ცემა, შემდეგ კი სპეცრაზმელებს უბრძანეს ჩავეყვანე "ბოქსში". იქ ყოფნისას მაიძულებდნენ, დავმდგარიყავი მუხლებზე".
გოგიტა ზ: "ჩემს საკანში შემოვიდა სპეცრაზმისა და ადმინისტრაციის დაახლოებით 15 თანამშრომელი, ცემით გამატარეს ციხის კორიდორში, დამიწყეს წამება, რა დროსაც გონება დავკარგე, გონზე მოსასვლელად დამასხეს ცივი წყალი. შემდეგ კი "ბოქსში" ჩამიყვანეს, სადაც 7 საათი მამყოფეს გაშიშვლებული".
სახალხო დამცველის რეგიონული კოორდინატორი მადონა ბასილაძე აღნიშნავს, რომ ქუთაისის ციხეში არსებულ მდგომარეობაზე მათ რამდენჯერმე მიმართეს პრობაციის სამინისტროს, თუმცა რეაგირება არ მოჰყოლია.
"სახალხო დამცველის ანგარიშში მნიშვნელოვანი ადგილი ეთმობა ქუთაისის მე-2 სასჯელაღსრულების დაწესებულებაში არსებულ მდგომარეობას, აქ ლაპარაკი იყო ფიზიკურ ძალადობასა და პატიმართა ღირსების შემლახველ სხვა ფაქტებზე. მე რამდენჯერმე ვიყავი ციხეში და მინდა აღვნიშნო, რომ ამჯერად პატიმრებზე ფიზიკური ძალადობა აღარ ხორცილედება. გათავისუფლებულია მე-2 სასჯელაღსრულების დაწესებულების დირექტორი, თუმცა ეს ადამიანი დიდი ხნის წინათ უნდა ყოფილიყო თანამდებობიდან მოხსნილი", - აცხადებს სახალხო დამცველის რეგიონული კოორდინატორი მადონა ბასილაძე.
P.S.სახალხო დამცველ გიორგი ტუღუშის გამინისტრების შემდეგ, ქუთაისის მე-2 სასჯელაღსრულების დაწესებულების დირექტორობის მოვალეობის შემსრულებლად დავით ვაშაკიძე დაინიშნა, ალბათ, მისი ამ თანამდებობაზე დარჩენა იმაზე იქნება დამოკიდებული, როგორი ურთიერთობა ექნება ციხის ადმინისტარციას პატიმრებთან.
ირაკლი ვაჩიბერაძე, ქუთაისიდან
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
