30
მაისიდღის ზოგადი ასტროლოგიური პროგნოზი
წნორის შემდეგ ნიღბიანი ადამიანები სიღნაღის რაიონის სოფელ ქვემო მაჩხაანში გამოჩნდნენ და ხალს შეურაცხყოფა მიაყენეს. "ჯერ ბირჟაზე ყოფილან, იქ დაურბევიათ ხალხი, მერე სხვაგან გადაინაცვლეს. ვუთხარი, გიცანი მეთქი, "მგელკაცას" ეძახიან, წნორში ცხოვრობს და სადღაც დაცვაში მუშაობს. 7 თუ 8 ადამიანი იყო, ორი მანქანით, ერთი "ნივა" იყო, მეორე რაღაც ფირმა მანქანა. ყოფილ გამგებელს ეძებდნენ, იმის ჯავრი სჭირთ, რადგან გადადგა და ოპოზიციაში გადავიდა," - განაცხადა ქვემო მაჩხაანის მკვიდრმა ქეთინო ჯანყარაშვილმა.
ინციდენტი ქვემო მაჩხაანში 28 სექტემბერს მოხდა. ადგილობრივების ცნობით, ნიღბიანები ხელკეტებით იყვნენ შეიარაღებულები.
"65 წლის კაცი წამოაგდეს ფეხზე, დუბინკებით იყვნენ, საცემად გაჰყავდათ. მაღაზიიდან გამოვიხედე ამ დროს, მომიბრუნდნენ, რომელი პარტიის მომხრე ხარო, თქვენ რომელი პარტიის მომხრეები ხართ მეთქი? "ნაციონალური მოძრაობისო", ჩვენც ყველა ხმას "ნაციონალებს" ვაძლევთ მეთქი. ლანძღვა დაიწყო, აბა ამის სურათი აქ რისთვის არის გაკრულიო და გელა გელაშვილის პლაკატზე მიუთითა. კრიმინალური მთავრობა უნდა მოვიდეს და იმას უჭერთ მხარსო? ვუთხარი, კრიმინალები თქვენ ხართ, რომ ნიღბებით დადიხართ მეთქი. დამემუქრნენ, დუბინკა მომიღერა ერთმა და მითხრა, სულერთია გაგისწორდებითო. მეშინია, სანამ არჩევნები არ ჩაივლის, არ ვიცი, რას იზამენ. ისეთი ლანძღვა არ გამიგია", -აღნიშნა ქვემო მაჩხაანელმა თამარ ყანდაშვილმა.
