6
ივლისიდღის ზოგადი ასტროლოგიური პროგნოზი
სახალხო დამცველის აპარატის განცხადებით, ტუბერკულოზით დაავადებულთა სასჯელაღსრულების N19 დაწესებულებაში პატიმართა ნაწილი შიმშილობას განაგრძობს.
როგორც "ინტერპრესნიუსს" სახალხო დამცველის აპარატიდან აცნობეს, 2012 წლის 27 სექტემბერს საქართველოს სახალხო დამცველის სპეციალური პრევენციული ჯგუფი იმყოფებოდა ტუბერკულოზით დაავადებულ მსჯავრდებულთა N19 დაწესებულებაში, სადაც სახალხო დამცველის რწმუნებულები გაესაუბრნენ იქ განთავსებულ მსჯავრდებულებს.
"მათი თქმით, 25 სექტემბრიდან შიმშილობა გამოაცხადა 30-მდე მსჯავრდებულმა, რომელთა ძირითადი მოთხოვნაა, გაუმჯობესდეს სამედიცინო მომსახურება, ასევე, ამუშავდეს და ეფექტური გახდეს მსჯავრდებულთა პირობით ვადამდე გათავისუფლების, ასევე, ავადმყოფობის გამო სასჯელის გადავადების ან სასჯელისგან გათავისუფლების მექანიზმები. ამჟამად N19 დაწესებულებაში იმავე მოთხოვნით შიმშილობას განაგრძობს ხუთი მსჯავრდებული. მსჯავრდებულთა ნაწილი, მოშიმშლეთა მიმართ სოლიდარობის გამოხატვის მიზნით, უარს აცხადებს მედიკამენტების მიღებაზე", - აღნიშნულია სახალხო დამცველის აპარატის განცხადებაში.
