მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირმა ინაშვილის ინფორმაციით, სააკაშვილის წინააღმდეგ ბელგიის პროკურატურამ სარჩელი მიიღო
11:54 / 27-09-2012
ბელგიის პროკურატურამ ლადო ბედუკაძის ადვოკატის სარჩელი წარმოებაში მიიღო, - ამის შესახებ ინფორმაციას ჟურნალისტი ირმა ინაშვილი ავრცელებს.
მისი თქმით, ადვოკატი ამრანი ხსენებულ სარჩელში იმ დამნაშავე პირთა წინააღმდეგ გამოძიების დაწყებას ითხოვს, რომლებიც გავრცელებულ ვიდეომასალებში პატიმრებს აწამებდნენ. საქმე მხოლოდ დაბალი რანგის ჩინოვნიკებს არ ეხება. ადვოკატ ამრანის განცხადებით, სარჩელში პირდაპირ არის მითითებული მიხეილ სააკაშვილის, ბაჩო ახალაიას, მურთაზ ზოდელავას გვარები.
"სააკაშვილს, რა თქმა უნდა, ჰქონდა ინფორმაცია, რა ხდებოდა ციხეებში და როგორ აწამებდნენ პატიმრებს. გენერალურმა პროკურორმა დაარღვია უდანაშაულობის პრეზუმცია, როდესაც ბედუკაძეს ცილი დასწამა 2 მილიონი ევროს აღებაში. ქვეყნის პრეზიდენტმა ბედუკაძე გამოაცხადა სამშობლოს მოღალატედ. ყველა ეს ინფორმაცია, როგორც ფაქტი, აისახა ჩემს სარჩელში. ეს გამოძიება ბოლომდე უნდა იქნას მიყვანილი, რათა ყველა დამნაშავე დაისაჯოს",- განაცხადა ადვოკატმა ამრანმა.
ამასთან, ადვოკატის მასალები ჟურნალისტ ირმა ინაშვილის ჩვენებასაც მოიცავს, რომელშიც ნათქვამია, რომ ციხეებში ყველა ეს დანაშაული ხდებოდა მაშინ, როდესაც შინაგან საქმეთა სამინისტროს ხელმძღვანელობდა ვანო მერაბიშვილი. ინაშვილის თქმით, დამნაშავე პირთა შორის, რა თქმა უნდა, ფიგურირებს მოქმედი პრემიერ-მინისტრი.
"შესაძლოა, ხელისუფლების რომელიმე მაღალჩინოსანს ჰგონია, რომ ის გადარჩება, მაგრამ ეს არ მოხდება. სააკაშვილი, ახალაია, მერაბიშვილი და ხელისუფლების სხვა მაღალჩინოსნები თანაბრად აგებენ პასუხს კანონის წინაშე. ვაცხადებ სრული პასუხისმგებლობით, ვერც ვანო მერაბიშვილი გადარჩება, ვერც სააკაშვილი და ვერც ახლაია, თუ ზოდელავა", - განაცხდა ირმა ინაშვილმა.
მისივე თქმით, უპრეცედენტოა ფაქტი, რომ ბელგიის პროკურატურამ ადვოკატ ამრანის სარჩელი წარმოებაში მიიღო, რადგან ამ სარჩელში პირდაპირ არის ნახსენები მოქმედი პრეზიდენტის გვარი, რომელიც ბედუკაძის წინააღმდეგ მუქარასა და ცილისწამებას ახორციელებს.
ადვოკატი ამრანი ანალოგიური სარჩელის შეტანას საქართველოს გენერალურ პროკურატურაშიც გეგმავს. "მიზანი არის ის, რომ სააკაშვილი, ახალაია, მერაბიშვილი და სხვა მაღალჩინოსნები, პირველ რიგში, საქართველოში გასამართლდნენ",- აცხადებს ინაშვილი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
