გუბაზ სანიკიძე - "ნაციონალურმა მოძრაობამ" ცეცხლი გახსნა"
"ნაციონალურმა მოძრაობამ" ცეცხლი გახსნა, - ასე ეხმაურება ქუთაისში "ქართული ოცნების" მაჟორიტარი დეპუტატობის კანდიდატი გუბაზ სანიკიძე ბიძინა ივანიშვილის დაცვის წევრის მიერ სოციალური ქსელით გავრცელებულ აუდიოჩანაწერს.
"ნაცმოძრაობა" უკვე ოჯახებს შეეხო. ფაბრიკაციაა ის, თითქოს მე ბიძინა ივანიშვილზე და მის შვილზე - ბერაზე, უნიჭიერეს ადამიანზე ვსაუბრობ. მე პრეზიდენტის ოჯახზე არ მიკადრებია არასდროს არაფერი ცუდი, თუმცა, შეიძლება ძალიან ბევრჯერ ამის მიზეზი ყოფილიყო", - განუცხადა გუბაზ სანიკიძემ ტელეკომპანია "მაესტროს".
აღნიშნულ კონტექსტში, სანიკიძე ფიქრობს, რომ ხელისუფლების მხრიდან წმინდათაწმინდა და ხელშეუხებელ თემაზე - ოჯახზე აპელირება, მის აგონიაში ყოფნაზე მიუთითებს. "ოჯახი არის წმიდათაწმინდა, ხელშეუხებელი თემა დაუწერელ და დაწერილ კანონებშიც", - აცხადებს სანიკიძე.
Youtube-ში გავრცელდა ეკა ბესელიას, გია ხუხაშვილის, ირაკლი ალასანიას, გუბაზ სანიკიძისა და ირაკლი ღარიბაშვილის საუბრის აუდიოჩანაწერები.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
