ძალადობის წინააღმდეგ ახალგაზრდებისა და სასულიერო პირების მონაწილეობით მსვლელობა გაიმართება

დღეს, 19.00 საათზე, სპორტის სასახლიდან სიონისკენ ძალადობის წინააღმდეგ ახალგაზრდებისა და სასულიერო პირების მონაწილეობით მსვლელობა გაიმართება.

როგორც "ინტერპრესნიუსს" დეკანოზმა შალვა კეკელიამ განუცხადა, მსვლელობაში მონაწილეობას მიიღებს საპატრიარქოსთან არსებული ახალგაზრდული მოძრაობა "დავითიანნი", სასულიერო სემინარიისა და სასულიერო აკადემიის სტუდენტები და სასულიერო პირები. მამა შალვას თქმით, მსვლელობა სიონში დასრულდება, სადაც სასულიერო პირები პარაკლისს გადაიხდიან.

მსვლელობის მოწყობამდე ახლახან სასულიერო სემინარიისა და აკადემიის სტუდენტები სრულიად საქართველოს კათოლიკოს-პატრიარქს შეხვდნენ.

"ინტერპრესნიუსი"