იუსტიციის სამინისტროში საფრანგეთიდან მასალებს ელოდებიან
ამ წუთებში ჟურნალისტები იუსტიციის სამინისტროში საგანგებო ბრიფინგს ელოდებიან, რომელსაც მთავარი პროკურორი მურთაზ ზოდელავა გამართავს.
ბრიფინგი 15.00 საათისთვის იყო დანიშნული, თუმცა როგორც სამინისტროს პრესსამსახურში განმარტეს, საფრანგეთიდან მასალებს ელოდებიან, რის გამოც ბრიფინგი საათნახევრით გადაიდო.
ამასთან, პრესსამსახურში არ დაუკონკრეტებიათ, რა მასალებზეა საუბარი, თუმცა გუშინ იუსტიციის მინისტრის მოადგილემ, თინა ბურჯალიანმა განაცხადა, რომ საქმე ეხება ქართველი ოპოზიციონერების კონტაქტებს ე.წ. კრიმინალურ ავტორიტეტებთან.
"მე პარიზში ვარ შინაგან საქმეთა სამინისტროს წარმომადგენლებთან ერთად, რომლებიც შეხვედრებს გამართავენ საფრანგეთის ეროვნული ჟანდარმერიის წარმომადგენლებთან. თქვენ ასევე მოგეხსენებათ, რომ რამდენიმე კვირის წინ პრემიერ-მინისტრი შეხვდა საფრანგეთის შინაგან საქმეთა მინისტრს. ჩვენი კონსულტაციები ეხება გამოძიებას, რომელსაც აწარმოებს საფრანგეთის ეროვნული ჟანდარმერია. ამავე საკითხებზე გამოძიება მიმდინარეობს საქართველოს შინაგან საქმეთა სამინისტროში პროკურატურის ზედამხედველობით. ამ ეტაპზე შემიძლია გითხრათ, რომ საქმე ეხება ორგანიზებული დანაშაულის ქართველი წარმომადგენლების, კერძოდ, კანონიერი ქურდების კავშირებს ზოგიერთ ქართველ პოლიტიკოსთან და პირველი ოქტომბრის არჩევნების პერიოდში ქვეყანაში დესტაბილიზაციის, არეულობის და მათ შორის შესაძლო ძალადობის მიზნით უკანონო კავშირებს", - განაცხადა გუშინ ბურჯალიანმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
