4
ივნისიდღის ზოგადი ასტროლოგიური პროგნოზი
ზოგიერთი ქართველი პოლიტიკოსი პირველ ოქტომბერს არეულობასა და დესტაბილიზაციას გეგმავს, - ამის შესახებ იუსტიციის მინისტრის მოადგილე თინა ბურჯალიანმა ნაციონალურ ტელეარხებს განუცხადა.
"მე პარიზში ვარ შინაგან საქმეთა სამინისტროს წარმომადგენლებთან ერთად, რომლებიც შეხვედრებს გამართავენ საფრანგეთის ეროვნული ჟანდარმერიის წარმომადგენლებთან ერთად. თქვენ ასევე მოგეხსენებათ, რომ რამდენიმე კვირის წინ პრემიერ-მინისტრი შეხვდა საფრანგეთის შინაგან საქმეთა მინისტრს. ჩვენი კონსულტაციები ეხება გამოძიებას, რომელსაც აწარმოებს საფრანგეთის ეროვნული ჟანდარმერია. ამავე საკითხებზე გამოძიება მიმდინარეობს საქართველოს შინაგან საქმეთა სამინისტროში პროკურატურის ზედამხედველობით. ამ ეტაპზე შემიძლია გითხრათ, რომ საქმე ეხება ორგანიზებული დანაშაულის ქართველი წარმომადგენლების, კერძოდ, კანონიერი ქურდების კავშირებს ზოგიერთ ქართველ პოლიტიკოსთან და პირველი ოქტომბრის არჩევნების პერიოდში ქვეყანაში დესტაბილიზაციის, არეულობის და მათ შორის შესაძლო ძალადობის მიზნით უკანონო კავშირებს", - განაცხადა ბურჯალიანმა. მისივე თქმით, უფრო კონკრეტული ინფორმაციის გავრცელებას ის, სავარაუდოდ, ხვალ შეძლებს.
