ცესკოში ვერ შეთანხმდნენ, მიიღონ თუ გადადონ დადგენილების მიღება, რომლითაც საარჩევნო უბნებზე ფოტო და ვიდეო გადაღება იზღუდება
ცენტრალურ საარჩევნო კომისიაში ვერ შეთანხმდნენ, მიიღონ თუ გადადონ დადგენილების მიღება, რომლითაც საარჩევნო უბნებზე ფოტო და ვიდეო გადაღება იზღუდება.
დადგენილების განხილვის გადადების ინიციატივით კომისიაში "კონსერვატიული პარტიის" წარმომადგენელი ნინო გოგუაძე გამოდის. კომისიის წევრთა უმრავლესობა კი მიიჩნევს, რომ დადგენილება დღესვე უნდა მიიღონ. შესაბამისად, დადგენილების პროექტის განხილვა სხდომაზე ხმაურით მიმდინარეობს.
ცესკოს თავმჯდომარე ზურაბ ხარატიშვილის განმარტებით, კომისიის ყველა წევრი თანხმდება, რომ საარჩევნო უბნებზე ფოტო და ვიდეო გადაღების პერიოდი არ შეიზღუდოს, თუმცა, ხარატიშვილის აზრით, დადგენილებით კონკრეტულად უნდა განისაზღვროს, რა ქმედება შეიძლება ჩაითვალოს საარჩევნო პროცესისთვის ხელშეშლად.
"3.700 უბანზე ერთი და იგივე საკითხი შეიძლება სხვადასხვაგვარად იყოს აღქმული. შესაბამისად, ხელის შეშლა კონკრეტულად უნდა განისაზღვროს და ჩამოყალიბდეს. ამ საკითხის დაურეგულირებლობა სხვადასხვა ინტერპრეტაციას გამოიწვევს", - აღნიშნა ზურაბ ხარატიშვილმა.
ცესკოს თავმჯდომარე სპეკულაციების თავიდან ასაცილებლად დადგენილების პუნქტობრივი განხილვის ინიციატივით გამოვიდა და თითოეულ მუხლთან დაკავშირებით აზრის გამოთქმის უფლება მედიისა და არასამთავრობო ორგანიზაციების წარმომდგენლებს მისცა, რომლებიც დღევანდელ სხდომას ესწრებიან.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
