23
ივნისიდღის ზოგადი ასტროლოგიური პროგნოზი
მე მესმის, რომ საქართველოში შემოსულია რუსული ფული, - ამის შესახებ საქართველოს პრეზიდენტმა მიხეილ სააკაშვილმა დღეს, გურჯაანში მხარდამჭერებთან შეხვედრაზე სიტყვით გამოსვლისას განაცხადა.
მისი თქმით, მან ისიც იცის, რომ იდეალურად არ არის ყველაფერი და ადვილია წუნის ნახვა. "მაგრამ, როდესაც საქმე ეხება ადამიანის ბედს, ადამიანის გადარჩენას, ბოროტებისა და სისასტიკის შეჩერებას, ძალადობის აღკვეთას - ხალხნო, გაახილეთ თვალები. რა შუაშია პარტიული კუთვნილება?! რა შუაშია 2 %-ით მეტი მოგემატება არჩევნებში თუ ნაკლები. ეს ხომ საერთო, ქართული თემებია. არ შეიძლება ადამიანის გაჭირვებაზე თამაში - დამნაშავეა თუ არადამნაშავე. არ შეიძლება ამ ადამიანების ბედით სპეკულირება, ყიდვა-გაყიდვა ამ ადამიანების უბედურების, გეგონება ეს იყოს ვალუტა, რომელიც უნდა გადაცვალო და ამის მეშვეობით შენი მიზნები შეასრულო", - განაცხადა სააკაშვილმა.
მისი თქმით, იმ დროს, როდესაც საქართველოს ხელისუფლება ლაპარაკობს ქვეყნის, ახალი ქალაქების, მათ შორის ლაზიკას მშენებლობაზე, ამ ფონზე ხდება ის, რომ დანარჩენები დადიან და ეძებენ ცუდ ფაქტებს.
"მაგათ ჩვენი ხალხი სულელი ხომ არ ჰგონიათ?! სად გვყავს ჩვენ მათი გასასულელებელი ხალხი. ის ხალხი, ვინც დღეს გამოდის და მოთქვამს ადამიანის უფლებებზე, შეკრული იყო კრიმინალთან, წამალზე დასვა მთელი თაობა, ქუჩაში კლავდნენ ახალგაზრდებს და ახლა უნდათ უკან დაბრუნდნენ?! ამოცანა არის კონკრეტული! არც ერთი ჩვენგანი იდეალური არ არის. ასი პროცენტით გვინდა ვიმუშაოთ, თუმცა ხან გამოგვდის, ხან არა. ის, ვინც გვეუბნება - გაიწიეთ, მოვდივართ ჩვენი ნგრევის პროგრამით, კორუმპირებული ჩინოვნიკების უკან დაბრუნების პროგრამით, კრიმინალების ციხდან გამოშვების და თანამდებობებზე დანიშვნის პროგრამით, მათ ერთ კვირაში საქართველოს ხალხისგან ელით დიდი იმედგაცრუება!", - განაცხადა სააკაშვილმა.
მისივე თქმით, ახლა არის მომენტი, წინ წავა ქვეყანა თუ უკან დაბრუნდება, ხოლო მათ, ვისაც ჰგონიათ, რომ ტელევიზორში გაშვებული სიბინძურის გამო უარს იტყვის მომავალზე, სააკაშვილის განცხადებით, "იმას არ სცოდნია ქართველი ერი". "ეს სხვაგან არის დაწერილი. ჩვენ ჩვენს ისტორიას დავწერთ თვითონ", - დასძინა პრეზიდენტმა.
