9
ივნისიდღის ზოგადი ასტროლოგიური პროგნოზი
"დაიცავი საქართველოს" ლიდერი, ლევან გაჩეჩილაძე რამდენიმე სახელმწიფო უწყების და მედიასაშუალების, ასევე სამართალდამცავი ორგანოების წარმომადგენლებს მოუწოდებს სიყალბეში მონაწილეობა არ მიიღონ.
გაჩეჩილაძის განცხადებით, სადისტური, შიზოფრენიული, კრიმინალური სიგიჟე, რომელიც ქვეყანას მართავს, ძალადობას საზოგადოების გარკვეული ნაწილის მეშვეობით ახორციელებს. შესაბამისად მას სურს, რომ სიმართლის დაცვისკენ სწორედ ასეთი უწყებების თანამშრომლებს მიმართოს რომლებსაც შეუძლიათ არჩევნების გაყალბებას ხელი შეუშალონ და წინ აღუდგნენ.
ლევან გაჩეჩილაძის ჩამონათვალში მოხვდა პოლიციის ყველა თანამშრომელი, სპეცრაზმელები, ძალოვანი უწყების ყველა თანამშრომელი, ე.წ. ზონდერები, "ნაციონალური მოძრაობის" კოორდინატორები, საარჩევნო კომისიის წევრები, რუსთავი 2, "იმედი", "საზოგადოებრივი მაუწყებლის" და სხვა ე.წ. პრო- სახელისუფლო მედიის თანამშრომლები, მოსამართლეები და სახელმწიფო და საჯარო მოხელეები.
ჩამონათვალში ლევან გაჩეჩილაძეს შეყვანილი ყავს გულგრილი და შეშინებული ამომრჩევლებიც და ყველას ერთად მოუწოდებს ჯოჯოხეთური ხელისუფლება თამაშგარე მდგომარეობაში დატოვონ და საქართველოს მშვიდობიანი ცვლილებების შანსი მისცენ. "მერწმუნეთ, ყოველი თქვენთაგანის საქციელი იქნება სწორად აღქმული. თქვენ იცით, რაც უნდა გააკეთოთ, - უნდა ემსახუროთ სიმართლეს.
დაიცავი საქართველო!", - აცხადებს ლევან გაჩეჩილაძე.
