16
ივლისიდღის ზოგადი ასტროლოგიური პროგნოზი
"მომავალი დღეების განმავლობაში საპროტესტო აქციები საქართველოს ყველა ციხესთან გაიმართება", - ამის შესახებ ფილარმონიასთან მიმდინარე აქციაზე ირაკლი კაკაბაძემ განაცხადა.
მისი თქმით, ამ ფორმით უფლებადამცველები და სამოქალაქო საზოგადოების წარმომადგენლები გამოხატავენ სოლიდარობას პატიმრების მიმართ.
"ჩვენ აუცილებლად ყველა ციხესთან მოვაწყობთ აქციებს ჩვენი პატიმრების გასამხნევებლად. ასე მათ ხმას უკეთ მივაწვდით", - აღნიშნა ირაკლი კაკაბაძემ. მისივე ინფორმაციით, უახლოესი დღეების განმავლობაში საქართველოში უცხოეთიდან სხვადასხვა სამოქალაქო ორგანიზაციების წარმომადგენლები ჩამოვლენ, რათა პატიმტრებისადმი არაადამიანური მოპყრობის ფაქტები ქართულ საზოგადოებასთან ერთად გააპროტესტონ. ამასთან ირაკლი კაკაბაძემ საპროტესტო აქციების არაძალადობრივი ხასიათის შენარჩუნების აუცილებლობაზე ისაუბრა.
"ხელისუფლება ყველანაირად ცდილობს, ჩვენს გამოწვევას, რომ ამ აქციებმა ძალადობრივი ხასიათი შეიძინოს, თუმცა პროტესტი მშვიდობიანი ფორმით უნდა გაგრძელდეს. ჩვენ გვერდით ვუდგავართ ერთიან სტუდენტურ მოძრაობას, რომელიც მიმართულია ძალადობის წინააღმდეგ", - აღნიშნა ირაკლი კაკაბაძემ.
