მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტუბერკულოზით დაავადებული რამდენიმე პატიმარი მედიკამენტების მიღებაზე უარს ამბობს
09:24 / 22-09-2012
სასულიერო პირებთან ერთად, ჟურნალისტები დღეს გლდანის ციხის ყველა კორპუსში იმყოფებოდნენ.
ჟურნალისტები განსაკუთრებით დაინტერესდნენ ციხის მესამე კორპუსში არსებული ვითარებით, სადაც, გავრცელებული ინფორმაციით, პატიმრები მასობრივად შიმშილობენ.
როგორც "ინტერპრესნიუსის" კორესპონდენტი იუწყება, მესამე კორპუსში შიმშილობა ერთი საკნის რვა პატიმარს ჰქონდა გამოცხადებული, რომლებმაც სასულიერო პირების მოწოდების შემდეგ, შიშილობა შეწყვიტეს. პატიმრებმა თქვეს, რომ იმ პირთა დასჯას ითხოვენ, რომლებიც პატიმართა წამებაში არიან მხილებულნი. მათივე თქმით, თუ სამ დღეში ეს პირობა არ შესრულდება, შიმშილობას ისევ განაახლებენ.
ამასთან, სხვადასხვა კორპუსის პატიმრებმა მედიასთან საუბრისას დაასახელეს რამდენიმე კონკრეტული სახელი და გვარი, რომლებიც უშუალოდ მონაწილეობდნენ პატიმართა ფიზიკურ და სიტყვიერ შეურაცხყოფაში.
პატიმრები ამბობენ, რომ მას შემდეგ, რაც ახალი მინისტრი დაინიშნა, ისინი ციხეში კიდევ აგრძელებენ მუშაობას. ერთ-ერთი პატიმრის განცხადებით, ერთ-ერთმა პატიმრების მიმართ მუქარა განახორციელა - ეს დრო მალე წავა, ჩვენი დრო ისევ მალე დადგება და მერე ნახეთ რასაც გიზამთო.
გლდანის ციხის პირველ კორპუსში იმყოფებიან ტუბერკულოზით დაავადებული პატიმრები, რომლებიც შიმშილობენ და მედიკამენტების მიღებაზე უარს ამბობენ, ისინი ამბობენ, რომ ორი დღეა, ტუბერკულოზიანების გადაყვანას ითხოვენ და ამბობენ, რომ სანამ მოთხოვნა არ დაკმაყოფილდება, შიმშილობას არ შეწყვეტენ.
"ინტერპრესნიუსს" ერთ-ერთმა წერილი გადასცა, სადაც მოთხოვნებია ჩამოყალიბებული.
"მოვითხოვთ, მოხდეს რეაგირება ჩვენ მოთხოვნაზე, რომელიც გამოიხატება შემდეგში - ორი დღეა, ვშიმშილობთ და არ ვიღებთ სამკურნალო მედიკამენტებს. ჩვენი ამ რადიკუალური ზომის გადაწყვეტილების მიღება გამოიწვია იმან, რომ ამ ადმინისტრაციის მხრიდან იყო არაერთხელ ცრუ დაპირებები, რომ მოხდებოდა ჩვენი გადაყვანა ტუბზონაში. წლების განმავლობაში ხდებოდა ტყუილებითა და გულგრილობით ჩვენი მკურნალობა, ჩვენ არ შევწყვეტთ შიმშილობას და მედიკამენტებს არ მივიღებთ, სანამ არ მოხდება ჩვენი გადაყვანა ქსნის N19 დაწესებულებაში, ტუბზონაში. ჩვენს გარდა არის არაერთი პატიმარი იგივე სენით დაავადებული, რომლებიც ასევე აცხადებენ შიმშილობას და წამლებს არ იღებენ იგივე ხასიათის მოთხოვნით. აქ მოგვიყვანეს გაგა მკურნალიძის პირადი ინტერესებიდან გამომდინარე. ჩვენ გვჯერა თქვენი თანადგომის, ვხედავთ და ვგრძნობთ ამას", - აღნიშნულია წერილში, რომელიც "ინტერპრესნიუსს" ტუბერკულოზით დაავადებულმა ერთ-ერთმა პატიმარმა მიაწოდა.
გლდანის #8 ციხეში მყოფი პატიმრები, რომლებსაც "ინტერპრესნიუსის" ჟურნალისტი ესაუბრა, ამბობენ, რომ ბოლო სამი დღის განმავლობაში პატიმართა მიმართ ზეწოლისა და ფიზიკური შეურაცხყოფის ფაქტები აღარ ხორციელდება, თუმცა მათი თქმით, სამი დღის წინ ეს ფაქტები ყოველდღიურად ხდებოდა, განსაკუთრებით - მესამე კორპუსში. ამასთან პატიმრები ამბობენ, რომ ციხის ოფიცრები მათ აიძულებდნენ, ამზადებდნენ წინასწარ, რომ "ნაციონალური მოძრაობისთვის" მიეცათ ხმა, შემოეხაზათ ნომერი 5.
სასჯელაღსრულების სამინისტროში ჟურნალისტებთან ერთად დეკანოზები იმყოფებოდნენ. ამ დრომდე გლდანის ციხეში საპატრულო პოლიცია რჩება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
