მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სახალხო დამცველის აპარატი - პატიმართა ნაწილი წამების მსხვერპლთა მიმართ სოლიდარობის ნიშნად შიმშილობს
07:06 / 22-09-2012
რუსთავის N17, ქსნის N15 და რუსთავის N6 დაწესებულებებში სიმშვიდეა და რაიმე სახის კანონსაწინააღმდეგო შეზღუდვები დაწესებული არ არის, - ამის შესახებ "ინტერპრესნიუსს" სახალხო დამცველის აპარატიდან აცნობეს.
ომბუდსმენის რწმუნებულებმა საგანგებო მონიტორინგი აღნიშნულ დაწესებულებებში გუშინ განახორციელეს.
"რუსთავის N17 დაწესებულებაში სახალხო დამცველის რწმუნებულები შეხვდნენ დაწესებულების ყველა ნაწილში განთავსებულ პატიმრებს, მათ შორის, არასრულწლოვნებს. მსჯავრდებულთა ნაწილის განცხადებით, მათ 20 სექტემბერს გამოაცხადეს შიმშილობა წამების მსხვერპლ პატიმართა მიმართ სოლიდარობის მიზნით. ამავე დაწესებულების მსჯავრდებულთა ნაწილი კი აცხადებს, რომ აღნიშნულ აქციას 22-23 სექტემბერს შეუერთდებიან. მსჯავრდებულებმა ხაზგასმით აღნიშნეს, რომ პროტესტის ეს ზომა არ უკავშირდება მათ მიმართ მოპყრობას და არ არის მიმართული N17 დაწესებულების ადმინისტრაციის და თანამშრომლების წინააღმდეგ, ასევე, არ ატარებს პოლიტიკურ ხასიათს", - ნათქვამია განცხადებაში.
ომბუდსმენის რწმუნებულების ინფორმაციით, რაც შეეხება ამ დაწესებულებაში განთავსებულ არასრულწლოვან მსჯავრდებულებს, ისინი მონიტორინგის მომენტისთვის არ შიმშილობდნენ და შიმშილობის დაწყებას არც გეგმავდნენ.
"ქსნის N15 დაწესებულების დახურულ ნაწილში განთავსებულმა ზოგიერთმა მსჯავრდებულმა გუშინ დაიწყო შიმშილობის აქცია წამების მსხვერპლთა მიმართ სოლიდარობის მიზნით. ისინი ასევე მოითხოვენ მათ მიმართ წარსულში განხორციელებულ არასათანადო მოპყრობასთან დაკავშირებით დაწყებული გამოძიებების ადეკვატურ წარმოებას და დამნაშავეთა დასჯას. ამასთან დაკავშირებით მათმა ნაწილმა სურვილი გამოთქვა, შეხვდეს საქართველოს მთავარი პროკურატურის წარმომადგენლებს, რათა არასათანადო მოპყრობის ფაქტებზე დამატებითი ინფორმაცია მიაწოდონ. შიმშილობა გამოცხადებული აქვთ დაწესებულების N4 საკანში განთავსებულ მსჯავრდებულებს ს.ხაბულიანს, ი.გიგლემიანს, ო.პაიჭაძეს, N22 საკანში განთავსებულ 7 მსჯავრდებულს, N6 საკანში განთავსებულ მსჯავრდებულს ნუგზარ თაბაგარს და სხვა საკანში განთავსებულ კიდევ 4 მსჯავრდებულს. დაწესებულების ძველი ნაწილიდან 526-მა მსჯავრდებულმა სახალხო დამცველის პრევენციისა და მონიტორინგის დეპარტამენტის თანამშრომლებს მიაწოდეს კოლექტიური განცხადება, სადაც ისინი მიუთითებენ ბოლო წლების მანძილზე მათ მიმართ რეგულარულად განხორციელებულ არასათანადო მოპყრობის ფაქტებზე. რუსთავის N6 დაწესებულებაში სახალხო დამცველის წარმომადგენელი შეხვდა რამდენიმე მსჯავრდებულს, რომლებიც ასევე სოლიდარობას უცხადებენ წამების მსხვერპლ პატიმრებს და ისევე, როგორც დანარჩენ დაწესებულებებში, აცხადებენ, რომ ადმინისტრაციასთან და თანამშრომლებთან მიმართებაში ამ ეტაპზე პრეტენზიები არ აქვთ", - აღნიშნულია განცხადებაში.
ომბუდსმენის რწმუნებულების განმარტებით, სამივე დაწესებულებაში განთავსებულ მსჯავრდებულთა დიდი ნაწილი აცხადებს, რომ სამედიცინო მომსახურება ცუდია და მათი ჯანმრთელობის ადეკვატურ დაცვას ვერ უზრუნველყოფს.
საქართველოს სახალხო დამცველის აპარატი მოუწოდებს საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სამედიცინო დეპარტამენტს, ამ პერიოდის განმავლობაში განსაკუთრებული ყურადღება გამოიჩინოს სისტემაში განთავსებული ყველა იმ პატიმრის მიმართ, რომელსაც ჯანმრთელობასთან დაკავშირებული პრობლემები აქვთ.
ომბუდსმენის აპარატი სასჯელაღსრულების სხვადასხვა დაწესებულებების მონიტორინგს უწყვეტ რეჟიმში განაგრძობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
