ბაჩო ახალაიას საცხოვრებელი კორპუსი დათა ახალაიამ და აკაკი მინაშვილმა დატოვეს

დოლიძის ქუჩაზე მდებარე ბაჩო ახალაიას საცხოვრებელი კორპუსი დათა ახალაიამ და საპარლამენტო უმრავლესობის წევრმა, აკაკი მინაშვილმა დატოვეს.

როგორც "ინტერპრესნიუსის" კორესპონდენტი იუწყება, ისინი შენობიდან ჟურნალისტებისთვის შეუმჩნევლად გასვლას ცდილობდნენ - დათა ახალაიას დაცვა აეფარა, თუმცა ის მედიის წარმომადგენლებმა მაინც ამოიცნეს. აკაკი მინაშვილმა და დათა ახალაიამ ტერიტორია სხვადასხვა ავტომანქანებით დატოვეს.

ბაჩო ახალაიას საცხოვრებელ კორპუსთან მანქანების ინტენსიური მოძრაობა დილიდან შეინიშნება. პარკირების ადგილებში დგანან ავტომანქანები სერიებით - MOD.

"ინტერპრესნიუსი"