ბად­რი ბა­სიშ­ვი­ლი: "ა­სე­თი დე­მოკ­რა­ტი­უ­ლი და კარ­გი არ­ჩევ­ნე­ბი, ახ­ლა რომ ჩა­ტარ­დე­ბა, აქამ­დე არას­დროს ჩა­ტა­რე­ბუ­ლა"

"ქარ­თუ­ლ ოც­ნე­ბა­ში" აცხ­ა­დე­ბენ, რომ მათ წევ­რებს 17 სექ­ტემ­ბერს გო­რის რა­ი­ო­ნის სო­ფელ დიც­ში ფი­ზი­კუ­რად გა­უს­წორ­დნენ. "ქარ­თუ­ლი ოც­ნე­ბის" გო­რის ოფი­სის წარ­მო­მად­გენ­ლის, თა­მაზ ში­ოშ­ვი­ლის გან­ცხა­დე­ბით, "ქარ­თუ­ლი ოც­ნე­ბის" ერ­თ-ერთ მომ­ხრეს დე­პუ­ტატ ბად­რი ბა­სიშ­ვი­ლის ე.წ. ზონ­დე­რებ­მა, და­ახ­ლო­ე­ბით 10-12-მა ადა­მი­ან­მა, მათ შო­რის: ლე­ვან მა­ი­სუ­რა­ძემ, გო­გი­ტა გო­ჩაშ­ვილ­მა, ბე­სო კახ­ნი­აშ­ვილ­მა და სხვებ­მა მოს­თხო­ვეს გა­ე­ხა­და "ქარ­თუ­ლი ოც­ნე­ბის" მა­ი­სუ­რი და და­ე­ხი­ა. ამის გა­მო დაწყ­ე­ბუ­ლი კონ­ფლიქ­ტი ხელ­ჩარ­თუ­ლ ჩხუბ­ში გა­და­ი­ზარ­და, შე­დე­გად ოთხ­მა ახალ­გაზ­რდამ სხე­უ­ლის სხვა­დას­ხვა და­ზი­ა­ნე­ბა მი­ი­ღო.

სა­ინ­ტე­რე­სო­ა, რომ ამ ინ­ცი­დენ­ტში კვლა­ვაც გა­მოჩ­ნდნენ ის ადა­მი­ა­ნე­ბი, რომ­ლე­ბიც კა­რა­ლეთ­ში, დევ­ნილ­თა ჩა­სახ­ლე­ბა­ში, თავს და­ეს­ხნენ კა­ხა კა­ლა­ძე­სა და მის თან­მხლებ პი­რებს. მათ შო­რის იყო გო­გი­ტა გო­ჩაშ­ვი­ლი, რომ­ლის პრო­ვო­კა­ცი­უ­ლი სა­უბ­რის შემ­დე­გაც და­ი­ძა­ბა ვი­თა­რე­ბა კა­რა­ლეთ­ში. გო­ჩაშ­ვი­ლი რომ დე­პუ­ტატ ბად­რი ბა­სიშ­ვი­ლის მე­გო­ბა­რი­ა, ეს ჩვენ­თვის მო­ცე­მულ ინ­ტერ­ვი­უ­ში თვი­თონ ბა­სიშ­ვილ­მაც და­ა­დას­ტუ­რა, ამი­ტო­მაც ამ ინ­ცი­დენ­ტის შემ­დეგ სწო­რედ მას მივ­მარ­თეთ რამ­დე­ნი­მე კითხ­ვით.

- ბა­ტო­ნო ბად­რი, რა მოხ­და სო­ფელ დიც­ში? "ქარ­თუ­ლი ოც­ნე­ბის" წარ­მო­მად­გენ­ლე­ბი ამ­ბო­ბენ, რომ თქვე­ნი "ზონ­დერ­ჯგუ­ფი" და­ეს­ხა მათ მომ­ხრეს თავს.

- ვინ ამ­ბობს მა­გას?

- ამ კონ­კრე­ტულ შემ­თხვე­ვა­ში - "ქარ­თუ­ლი ოც­ნე­ბის" გო­რის ოფი­სის წარ­მო­მად­გე­ნე­ლი თა­მაზ ში­ოშ­ვი­ლი.

- ეგ ვი­ღა­ა, რო­დის გა­მოჩ­ნდა სა­ერ­თოდ? რა მნიშ­ვნე­ლო­ბა აქვს, ვინ ამ­ბობს, სხვე­ბიც ერ­თხმად მა­გას იტყ­ოდ­ნენ, ეგე­ნი ხომ ლე­ი­ბო­რის­ტე­ბი­ვით არი­ან, თუ­თი­ყუ­შე­ბი­ვით იმე­ო­რე­ბენ ერ­თსა და იმა­ვეს. რო­გორც ვი­ცი, ის ად­გი­ლი, სა­დაც ეგ ინ­ცი­დენ­ტი მოხ­და, არის საზღ­ვრის­პი­რა სო­ფე­ლი, რო­მელ­საც ლი­ახ­ვის ხე­ო­ბას­თან რამ­დე­ნი­მე მეტ­რი აშო­რებს. იქ არის წმინ­და გი­ორ­გის სა­ლო­ცა­ვი, სა­დაც ლი­ახ­ვის ხე­ო­ბის მცხოვ­რებ­ლე­ბი ყო­ველ წელს მი­დი­ოდ­ნენ, შე­სა­წირს სწი­რავ­დნენ და ლო­ცუ­ლობ­დნენ. რად­გან ცხინ­ვა­ლის რე­გი­ონ­სა და ლი­ახ­ვის ხე­ო­ბა­ში ვე­ღარ მივ­დი­ვართ, დევ­ნი­ლე­ბი სო­ფელ დი­ცის სა­ლო­ცავ­ში იყ­ვნენ ასუ­ლი. რო­მელ "ზონ­დე­რებ­ზე" მე­ლა­პა­რა­კე­ბით, "ქარ­თულ­მა ოც­ნე­ბამ" "ზონ­დე­რე­ბი" თა­ვის რი­გებ­ში მო­ი­კითხ­ოს. კა­რა­ლე­თის ინ­ცი­დენ­ტის დროს სწო­რედ კა­ხა კა­ლა­ძეს ჰყავ­და ჩაყ­ვა­ნი­ლი კუნ­თმა­გა­რი "ზონ­დერ­ბი­ჭე­ბი". სო­ზარ სუ­ბა­რი და მა­გა­თი აქ­ტი­ვი­სტე­ბი დარ­ბოდ­ნენ "მა­ი­კე­ბი­თა" და დრო­შე­ბით და გაჰ­ყვი­როდ­ნენ, გა­უ­მარ­ჯო­სო. სუ­ბა­რი გვა­რი­ა­ნად იყო ნას­ვა­მი. მთვრა­ლე­ბი იყ­ვნენ "ქარ­თუ­ლი ოც­ნე­ბის" ად­გი­ლობ­რი­ვი წევ­რე­ბიც. მოკ­ლედ, სა­დაც დევ­ნი­ლი გა­მოჩ­ნდე­ბა, ყვე­ლას­თან მე მა­ი­გი­ვე­ბენ. კი, მეც დევ­ნი­ლი ვარ, მაგ­რამ რა­ტომ­ღაც თუ ვინ­მე კარ­გად ვერ მო­იქ­ცა, ჰგო­ნი­ათ, რომ მე მი­კავ­შირ­დე­ბა ეს ამ­ბა­ვი აუ­ცი­ლებ­ლად. ცდე­ბი­ან, ჩე­მო ძვირ­ფა­სო, ძა­ლი­ან ცდე­ბი­ან! - ასე გა­და­ე­ცით "მე­ოც­ნე­ბე­ებს". მოკ­ლედ, დევ­ნი­ლებ­თან მო­უ­ვი­დათ მე­ოც­ნე­ბე­ებს ჩხუ­ბი.

- ამ ინ­ცი­დენ­ტის მო­ნა­წი­ლე­ე­ბად ასა­ხე­ლებენ ადა­მი­ა­ნებს, რომ­ლე­ბიც კა­რა­ლე­თის კონ­ფლიქ­ტშიც მო­ნა­წი­ლე­ობ­დნენ, ეს უბ­რა­ლო დამ­თხვე­ვა­ა, თუ შე­იძ­ლე­ბა ვი­ვა­რა­უ­დოთ, რომ ეს ხალ­ხი მარ­თლაც გარ­კვე­ულ ჯგუფს წარ­მო­ად­გენს, რო­მე­ლიც მუშ­ტი-­კრი­ვით უპი­რის­პირ­დე­ბა "ქარ­თუ­ლი ოც­ნე­ბის" წარ­მომა­დგენ­ლებს?

- რო­გორ გე­კად­რე­ბათ, ხომ გითხ­ა­რით, სა­ლო­ცავ­ში იყ­ვნენ დევ­ნი­ლე­ბი ოჯა­ხე­ბით მი­სუ­ლი. მა­გა­თი დრო­შე­ბის ფრი­ა­ლი და ყვი­რი­ლი კი შე­იძ­ლე­ბა ყვე­ლას არ მოს­წონ­დეს.

- რო­გორც თვით­მხილ­ვე­ლე­ბი ამ­ბო­ბენ, და­პი­რის­პი­რე­ბა სა­ლო­ცავ­ში კი არა, სოფ­ლის ცენ­ტრში მოხ­და, რო­დე­საც "ოც­ნე­ბის" ერ­თ-ერთ წარ­მო­მად­გე­ნელს მა­ის­უ­რის გახ­და და და­ხე­ვა მოს­თხო­ვეს.

- სო­ფე­ლი იცით, რო­გორ არის და­სახ­ლე­ბუ­ლი? სა­ლო­ცა­ვის გარ­შე­მო 5-10 მეტ­რშია სახ­ლე­ბი. დევ­ნი­ლე­ბი იყ­ვნენ სტუმ­რად იმ სო­ფელ­ში. ეს ხალ­ხი კო­ტე­ჯებ­ში ცხოვ­რობს, "მე­ოც­ნე­ბეები­ვით" სა­სახ­ლე­ე­ბი კი არა აქვთ.

- გო­გი­ტა გო­ჩაშ­ვი­ლი თქვე­ნი მე­გო­ბა­რი­ა. ის თა­ვის ძმას­თან ერ­თად ნამ­დვი­ლად მო­ნა­წი­ლე­ობ­და ამ ინ­ცი­დენ­ტში?

- ძა­ლი­ან ბევ­რი მე­გო­ბა­რი მყავს, ომ­გა­მოვ­ლი­ლი, მებ­რძო­ლი ბი­ჭე­ბი. ამ ყვე­ლა­ფერს ჩვენ­ზე უკეთ სა­მარ­თალ­დამ­ცვე­ლი ორ­გა­ნო­ე­ბი გა­არ­კვე­ვენ. სა­ლო­ცავ­ში გო­ჩაშ­ვი­ლე­ბიც იყ­ვენ, ბა­სიშ­ვი­ლე­ბიც, მა­ი­სუ­რა­ძე­ე­ბიც და ა.შ. მე "ზონ­დე­რე­ბი" კი არა, კარ­გი მე­გობ­რე­ბი მყავს, რომ­ლებ­საც თა­ვი­ან­თი ქვე­ყა­ნა უყ­ვართ და პუ­ტი­ნის მო­ნე­ბად არას­დროს იქ­ცე­ვი­ან.

- ბა­ტო­ნო ბად­რი, თქვენ 38 ნომ­რად ხართ წარ­დგე­ნი­ლი "ერ­თი­ა­ნი ნა­ცი­ო­ნა­ლუ­რი მოძ­რა­ო­ბის" სა­არ­ჩევ­ნო სი­ა­ში, რო­გორ ფიქ­რობთ, ამ ნომ­რით შეხ­ვალთ პარ­ლა­მენ­ტში?

- რა თქმა უნ­და. ხალ­ხი კარ­გად ხე­დავს, რა ორი­ენ­ტა­ცია აქვს "ნა­ცი­ო­ნა­ლურ მოძ­რა­ო­ბას", რას აკე­თებს, რო­გო­რი აღ­მშე­ნებ­ლო­ბის კურ­სი უჭი­რავს. ხო­ლო "მე­ოც­ნე­ბე­ებს" და სხვა პარ­ტი­ებს, რომ­ლე­ბიც ფიქ­რო­ბენ, რომ პარ­ლა­მენ­ტში მოხ­ვდე­ბი­ან, ხალ­ხის­თვის სათ­ქმე­ლი არა­ფე­რი აქვთ. ჩვენ არა­ვის ფულ­ზე არ ვი­ყი­დე­ბით, გან­სხვა­ვე­ბით "მე­ოც­ნე­ბე­ე­ბის­გან", რომ­ლებ­საც ერ­გნეთ­ში უნ­დათ სა­ქარ­თვე­ლოს საზღ­ვრის გავ­ლე­ბა და ბაზ­რო­ბის გახ­სნა. ეს არის ნამ­დვი­ლი მო­ღა­ლა­ტე­ო­ბა. ერ­გნე­თი­დან რო­კის გვი­რა­ბამ­დე ქარ­თუ­ლი ტე­რი­ტო­რი­ა­ა, გა­მო­დის, ამ ტე­რი­ტო­რი­ა­ზე ამ­ბო­ბენ უარს. ვის გა­უ­გია ერ­გნე­თის ბაზ­რო­ბის აღ­დგე­ნა, რო­მე­ლიც ნა­რკო­ტი­კე­ბი­სა და კონ­ტრა­ბან­დის ბუ­დე იყო.

- სი­მარ­თლე მო­ითხ­ოვს, ვთქვათ, რომ ივა­ნიშ­ვილ­მა ბაზ­რო­ბის აღ­დგე­ნა­ზე ილა­პა­რა­კა და არა საზღ­ვრის გავ­ლე­ბა­ზე, თა­ნაც, თა­ვის დრო­ზე მაგ ბაზ­რო­ბამ ქარ­თვე­ლე­ბი­სა და ოსე­ბის შე­რი­გე­ბა­ში დი­დი რო­ლი ითა­მა­შა.

- რა თქმა უნ­და, ვაჭ­რო­ბა ისე­თი რა­მა­ა, შე­იძ­ლე­ბა მი­სი სა­შუ­ა­ლე­ბით ურ­თი­ერ­თო­ბე­ბი აღ­დგეს, მაგ­რამ ამ ბაზ­რო­ბით ოსი "ბო­ე­ვი­კე­ბი" მდიდ­რდე­ბოდ­ნენ, ტყვი­ა-­წა­მალს ყი­დუ­ლობ­დნენ და ისევ ქარ­თულ სოფ­ლებს ბომ­ბავ­დნენ.

- ბა­ტო­ნო ბად­რი, სა­ჯა­რო სამ­სა­ხურ­ში მყოფ ადა­მი­ა­ნებს და­ვა­ლე­ბუ­ლი აქვთ 5, 10 ან მე­ტი ადა­მი­ა­ნის პი­რა­დო­ბის მოწ­მო­ბე­ბის მო­ნა­ცემ­თა შეგ­რო­ვე­ბა, რა­ტომ იძ­ლე­ვა ხე­ლი­სუფ­ლე­ბა ასეთ და­ვა­ლე­ბებს?

- ეგ, ალ­ბათ, "მე­ოც­ნე­ბე­ე­ბის" ზღაპ­რე­ბის წიგ­ნში წა­ი­კითხ­ეთ.

- არ ვი­ცი, მე­ოც­ნე­ბე­ე­ბის ზღაპ­რე­ბის წიგ­ნში რა წე­რია ამის შე­სა­ხებ, მაგ­რამ პი­რა­დად ვიც­ნობ არა­ერთ ადა­მი­ანს, ვინც ასე­თი და­ვა­ლე­ბა მი­ი­ღო.

- არა, ქალ­ბა­ტო­ნო, ასე­თი რამ არ ხდე­ბა, ეს სულ "მე-9 არ­ხის" ტყუ­ი­ლე­ბი­ა, გირ­ჩევთ, მა­გათ კი არა, მე და­მი­ჯე­როთ.

- ბა­ტო­ნო ბად­რი, თქვენ რა­ტომ არ მი­ჯე­რებთ?

- სჯობს, თქვენ და­მი­ჯე­როთ, კარ­გად იცით, რომ სი­მარ­თლეს ვამ­ბობ და ტყუ­ი­ლის თქმა არ შე­მიძ­ლი­ა.

- არ­სე­ბობს ვა­რა­უ­დი, რომ მმარ­თველ პარ­ტი­ას პი­რა­დი მო­ნა­ცე­მე­ბი არ­ჩევ­ნე­ბის გა­სა­ყალ­ბებ­ლად სჭირ­დე­ბა.

- რო­გორ გე­კად­რე­ბათ, ჩვენ გა­ყალ­ბე­ბა რა­ში გვჭირ­დე­ბა, იმ­დე­ნი ხალ­ხი გვი­ჭერს მხარს. არ­ჩევ­ნე­ბი ყალ­ბდე­ბო­და შე­ვარ­დნა­ძის პე­რი­ოდ­ში, რომ­ლის ხე­ლი­სუფ­ლე­ბის წევ­რე­ბი ივა­ნიშ­ვი­ლის გა­რე­მოც­ვა­ში ბევ­რნი არი­ან. ასე­თი დე­მოკ­რა­ტი­უ­ლი და კარ­გი არ­ჩევ­ნე­ბი, ახ­ლა რომ ჩა­ტარ­დე­ბა, აქამ­დე არას­დროს ჩა­ტა­რე­ბუ­ლა. არა, წი­ნა წლებ­შიც ძა­ლი­ან კარ­გი არ­ჩევ­ნე­ბი იყო, დე­მოკ­რა­ტი­უ­ლო­ბაც არ აკ­ლდა, მაგ­რამ ახ­ლა გან­სა­კუთ­რე­ბუ­ლად კარ­გი იქ­ნე­ბა. ჩვენ მივ­დი­ვართ წინ, ეს უნ­და აღი­ა­როს "ქარ­თულ­მა ოც­ნე­ბა­მაც" და თქვენც, ჟურ­ნა­ლის­ტებ­მაც.

ნა­თია დო­ლი­ძე

ყოველკვირეული გაზეთი "ყველა სიახლე"

(გამოდის ოთხშაბათობით)