უშიშროების საბჭოს მდივანი, გიგა ბოკერია პენიტენციალურ სისტემაში მომხდარ დანაშაულის ფაქტებს ხელისუფლების შეცდომად აფასებს.
როგორც ბოკერიამ განაცხადა, ყველა შეძრწუნებული და შოკირებულია იმ მასალით, რაც გავრცელდა და არანაკლებ იმ პრობლემით, რომელიც ნათლად იქნა გამოვლენილი.
"ჩვენ ხელისუფლებამ დავუშვით მძიმე შეცდომა, როდესაც სათანადოდ ვერ შევაფასეთ ის სიგნალები, რომლებიც მოდიოდა სახალხო დამცველისგან, საზოგადოების სხვადასხვა ჯგუფებისგან, ამ სტრუქტურაში არსებული სისტემური პრობლემების შესახებ", - განაცხადა უშიშროების საბჭოს მდივანმა და აღნიშნა, რომ წლების განმავლობაში ხელისუფლების ბრძოლა დანაშაულის შემცირებისთვის მოცემულ სურათს არ ამართლებს.
ბოკერიას განცხადებით, ამ ეტაპზე ერთი და უმნიშვნელოვანესი საკითხია დამნაშავეების დასჯა უმკაცრესად და ეს მოხდება. არანაკლებ მნიშვნელოვანი კი არის ხელისუფლების იმ მოვალეობის შესრულება, რომ მსგავსი პრობლემების შექმნა იყოს შეუძლებელი ნებისმიერ სახელმწიფო სტრუქტურაში და ესეც აუცილებლად მოხდება.
იხილეთ ვიდეო
"ინტერპრესნიუსი"
