სას­ჯე­ლაღ­სრუ­ლე­ბის გლ­და­ნის N8 და­წე­სე­ბუ­ლე­ბა­ში პა­ტიმ­რე­ბის წა­მე­ბის ამ­სახ­ვე­ლი ფაქ­ტე­ბის გავ­რცე­ლე­ბას დღეს, სა­ქარ­თვე­ლოს რე­გი­ო­ნებ­ში საპ­რო­ტეს­ტო აქ­ცი­ე­ბი მოჰ­ყვა.

რო­გორც "ინ­ტერპრეს­ნი­უ­სის" ქუ­თა­ი­სის კო­რეს­პონ­დენ­ტი იუ­წყე­ბა, ქუ­თა­ი­სის სა­პყრო­ბი­ლეს­თან დღეს, და­ახ­ლო­ე­ბით ნა­ხე­ვარ სა­ათ­ში საპ­რო­ტეს­ტო აქ­ცია გა­ი­მარ­თე­ბა.

ცი­ხეს­თან უკვე იკ­რი­ბე­ბი­ან ადა­მი­ა­ნე­ბი, რომ­ლე­ბიც გლ­და­ნის მე-8 სა­პყრო­ბი­ლე­ში მომ­ხდარ პა­ტი­მარ­თა წა­მე­ბას და შე­უ­რა­ცხყო­ფას აპ­რო­ტეს­ტე­ბენ. ქუ­თა­ი­სის აქ­ცი­ა­ზე მის­ვლას გეგ­მა­ვენ ქუ­თა­ის­ში მოქ­მე­დი არა­სამ­თავ­რო­ბო ორ­გა­ნი­ზა­ცი­ე­ბი და ჟურ­ნა­ლის­ტე­ბი; ისი­ნი პლა­კა­ტე­ბით - "არ აწა­მო" გა­მოვ­ლენ.

დღეს­ვე, 13:00 სა­ათ­ზე, კო­ა­ლი­ცია "ქარ­თუ­ლი ოც­ნე­ბის" ფო­თის სა­არ­ჩევ­ნო შტაბ­ში, მა­ჟო­რი­ტა­რი დე­პუ­ტა­ტო­ბის კან­დი­დატ­მა ეკა ბე­სე­ლი­ამ სა­გან­გე­ბო ბრი­ფინ­გი გა­მარ­თა სას­ჯე­ლაღ­სრუ­ლე­ბის და­წე­სე­ბუ­ლე­ბა­ში დე­პარ­ტა­მენ­ტის თა­ნამ­შრომ­ლე­ბის მხრი­დან პა­ტი­მარ­თა წა­მე­ბი­სა, ღირ­სე­ბის შემ­ლა­ხავ და არა­ა­და­მი­ა­ნუ­რი მო­პყრო­ბის შემ­ზა­რავ ფაქ­ტებ­თან და­კავ­ში­რე­ბით.

რო­გორც "ინ­ტერპრეს­ნი­უ­სის" კო­რეს­პონ­დენ­ტი ფო­თი­დან იუ­წყე­ბა, ბრი­ფინ­გის დას­რუ­ლე­ბის­თა­ნა­ვე ეკა ბე­სე­ლი­ამ და ბლოკ "ბი­ძი­ნა ივა­ნიშ­ვი­ლი - ქარ­თუ­ლი ოც­ნე­ბის" ფო­თის სა­არ­ჩევ­ნო შტაბ­მა, აქ­ტი­ვის­ტებ­თან ერ­თად საპ­რო­ტეს­ტო მსვლე­ლო­ბა მო­ა­წყო, რო­მე­ლიც სა­ქა­ლა­ქო პრო­კუ­რა­ტუ­რის შე­ნო­ბას­თან დას­რულ­დე­ბა.

ფო­თის ცენ­ტრში, ქა­ლა­ქის ცენ­ტრა­ლურ მო­ე­დან­ზე საპ­რო­ტეს­ტო აქ­ცია გუ­შინ ღა­მით 23:00 სა­ათ­ზე და­ი­წყო და დი­ლამ­დე გაგ­რძელ­და. აქ­ცია სო­ცი­ა­ლუ­რი ქსე­ლე­ბის მეშ­ვე­ო­ბით და­ი­გეგ­მა და მას­ში მო­ნა­წი­ლე­ო­ბა, სხვა­დას­ხვა პო­ლი­ტი­კუ­რი პარ­ტი­ე­ბის, მე­დი­ი­სა და არა­სამ­თავ­რო­ბო ორ­გა­ნი­ზა­ცი­ე­ბის ათე­უ­ლო­ბით წარ­მო­მად­გე­ნელ­მა მი­ი­ღო, აქ­ცი­ას შე­ურ­დნენ რი­გი­თი მო­ქა­ლა­ქე­ე­ბი.

ბა­თუმ­ში კი ამ წუ­თებ­ში ევ­რო­პის მო­ე­დან­ზე საპ­რო­ტეს­ტო აქ­ცია მიმ­დი­ნა­რე­ობს. პო­ლი­ტი­კუ­რი პარ­ტი­ე­ბის წარ­მო­მად­გენ­ლე­ბი, ჟურ­ნა­ლის­ტე­ბი, არა­სამ­თავ­რო­ბო ორ­გა­ნი­ზა­ცი­ე­ბი ცი­ხე­ებ­ში პა­ტი­მარ­თა წა­მე­ბას აპ­რო­ტეს­ტე­ბენ.

რო­გორც "ინ­ტერპრეს­ნი­უ­სის" კო­რეს­პონ­დენ­ტი ბა­თუ­მი­დან იუ­წყე­ბა, ევ­რო­პის მო­ე­დან­ზე საპ­რო­ტეს­ტო აქ­ცი­ას რამ­დე­ნი­მე წუ­თის წინ "ქარ­თუ­ლი ოც­ნე­ბის" ქო­ბუ­ლე­თის და ბა­თუ­მის მხარ­დამ­ჭე­რე­ბის 2000 კა­ცი­ა­ნი ჯგუ­ფი შე­უ­ერ­თდა.

რო­გორც "ქარ­თუ­ლი ოც­ნე­ბის" აჭა­რის ორ­გა­ნი­ზა­ცი­ის ერთ-ერ­თმა ლი­დერ­მა, გი­ორ­გი მა­სალ­კინ­მა აღ­ნიშ­ნა, ფაქ­ტე­ბი, რომ­ლის ვი­ზუ­ა­ლუ­რად ხილ­ვა სა­ზო­გა­დო­ე­ბამ ტე­ლე­ვი­ზი­ით შეძ­ლო, ყვე­ლამ იცო­და.

"ეს ფაქ­ტე­ბი ჟო­ნავ­და წლე­ბის გან­მავ­ლო­ბა­ში. პრო­ტეს­ტი აუ­ცი­ლებ­ლად უნდა გა­მო­ით­ქვას, მსოფ­ლი­ომ უნდა და­ი­ნა­ხოს, რომ სა­მო­ქა­ლა­ქო სა­ზო­გა­დო­ე­ბა არ­სე­ბობს. საქ­მე არ­ჩევ­ნე­ბამ­დე უნდა მი­ვი­დეს და 1-ელ ოქ­ტომ­ბერს ეს რე­ჟი­მი არ­ჩევ­ნე­ბის გზით უნდა დას­რულ­დეს", - აღ­ნიშ­ნა გი­ორ­გი მა­სალ­კინ­მა.

აქ­ცი­ას "ქრის­ტი­ან-დე­მოკ­რა­ტი­უ­ლი პარ­ტი­ის" აჭა­რის ორ­გა­ნი­ზა­ცი­ის წევ­რე­ბი შე­უ­ერ­თდნენ. რო­გორც ნიაზ ზო­სი­ძემ გა­ნა­ცხა­და, ფაქ­ტე­ბი ამაზ­რზე­ნია და სა­ხელ­მწი­ფოს კა­ნო­ნი კი არ მარ­თავს, არა­მედ სა­ხელ­მწი­ფო­ზე მაღ­ლა მდგა­რი ათამ­დე ჩი­ნოვ­ნი­კი:

რო­გორც არა­სამ­თავ­რო­ბო ორ­გა­ნი­ზა­ცია "სა­მო­ქა­ლა­ქო სა­ზო­გა­დო­ე­ბა ადა­მი­ა­ნის უფ­ლე­ბე­ბი­სათ­ვის" ხელ­მძღვა­ნელ­მა ლადო მგა­ლობ­ლიშ­ვილ­მა აღ­ნიშ­ნა, მას შემ­დეგ რაც პა­ტი­მარ­თა წა­მე­ბის კად­რე­ბი გავ­რცელ­და, სა­ზო­გა­დო­ე­ბამ პრო­ტეს­ტის სა­ხით ადექ­ვა­ტუ­რი რე­ა­გი­რე­ბა მო­ახ­დი­ნა.

საპ­რო­ტეს­ტო აქ­ცია ზუგ­დიდ­ში, N4 სას­ჯე­ლაღ­სრუ­ლე­ბის და­წე­სე­ბუ­ლე­ბას­თან 14:00 სა­ათ­ზე გა­ი­მარ­თე­ბა.

რო­გორც "ინ­ტერპრეს­ნი­უ­სის" კო­რეს­პონ­დნე­ტი ზუგ­დი­დი­დან იუ­წყე­ბა, ზუგ­დი­დის ცი­ხეს­თან და­გეგ­მილ საპ­რო­ტეს­ტო აქ­ცი­ა­ზე მის­ვლას გეგ­მა­ვენ "ქარ­თუ­ლი ოც­ნე­ბის" ზუგ­დი­დის შტა­ბის წარ­მო­მად­გენ­ლე­ბი. შტა­ბის ხელ­მძღვა­ნე­ლი მე­რაბ ქვა­რა­ია კი მო­ქა­ლა­ქე­ებს ერ­თად დგო­მის­კენ მო­უ­წო­დებს.

"ყვე­ლას, ვი­საც გული ერ­ჩის ამ ქვეყ­ნის­თვის, მო­ვუ­წო­დებთ მო­ვი­დეს და გა­აპ­რო­ტეს­ტოს ეს უსა­მარ­თლო­ბა", - გა­ნა­ცხა­და მე­რაბ ქვა­რა­ი­ამ.

ამ წუ­თებ­ში კი კო­ა­ლი­ცია "ქარ­თუ­ლი ოც­ნე­ბის" წარ­მო­მად­გენ­ლე­ბი ხა­შუ­რის ად­მი­ნის­ტრა­ცი­უ­ლი შე­ნო­ბის მიმ­დე­ბა­რე ტე­რი­ტო­რი­ა­ზე აქ­ცი­ას მარ­თა­ვენ და პა­ტიმ­რე­ბის წა­მე­ბას აპ­რო­ტეს­ტე­ბენ; ასე­ვე, 14:00 სა­ა­თის­თვის გო­რის ცენ­ტრში აქ­ცია-მსვლე­ლო­ბა და­ი­წყე­ბა, რო­მელ­საც ასე­ვე კო­ა­ლი­ცია "ქარ­თუ­ლი ოც­ნე­ბის" ად­გი­ლობ­რი­ვი ორ­გა­ნი­ზა­ცია უხელ­მძღვა­ნე­ლებს.

ხა­შურ­ში, სკვერ­ში აქ­ცი­ას "ქრის­ტი­ან-დე­მოკ­რა­ტი­უ­ლი" მოძ­რა­ო­ბაც მარ­თავს. რო­გორც "ინ­ტერპრეს­ნი­უ­სის" კო­რეს­პონ­დენტს გი­ორ­გი თარ­გა­მა­ძემ გა­ნუ­ცხა­და, მხო­ლოდ ხა­თუ­ნა კალ­მა­ხე­ლი­ძის გა­დად­გო­მა აბ­სო­ლუ­ტუ­რად არ ნიშ­ნავს პა­სუ­ხის­მგებ­ლო­ბას მომ­ხდარ­ზე. მი­სი­ვე თქმით, გუ­შინ გავ­რცე­ლე­ბუ­ლი კად­რე­ბის შემ­დეგ "ნა­ცი­ო­ნა­ლურ მოძ­რა­ო­ბას" ქვეყ­ნის მარ­თვის არა­ნა­ი­რი უფ­ლე­ბა არ გა­აჩ­ნია.

მომ­ხდარ­თან და­კავ­ში­რე­ბით, საპ­რო­ტეს­ტო გა­მოს­ვლებ­მა გუ­რი­აც მო­იც­ვა. რო­გორც "ინ­ტერპრეს­ნი­უ­სის" გუ­რი­ის კო­რეს­პონ­დენ­ტი იუ­წყე­ბა, ლან­ჩხუთ­ში დღეს, 12:00 სა­ათ­ზე ყვე­ლა პო­ლი­ტი­კუ­რი პარ­ტი­ის ად­გი­ლობ­რი­ვი ორ­გა­ნი­ზა­ცი­ე­ბის წარ­მო­მად­გენ­ლე­ბი შე­იკ­რიბ­ნენ, რომ­ლებ­საც სა­ზო­გა­დო­ე­ბის წარ­მო­მად­გენ­ლე­ბიც შე­უ­ერ­თდნენ. გუ­რი­ა­ში უფ­ლე­ბა­დამ­ცვე­ლი ლია მუ­ხა­შავ­რი­აც იმ­ყო­ფე­ბა.

ლან­ჩხუ­თის გარ­და, ჩო­ხა­ტა­ურ­შიც აქ­ცია-მსვლე­ლო­ბა მო­ე­წყო­ბა. ჩო­ხა­ტა­უ­რის "ქარ­თუ­ლი ოც­ნე­ბის" ოფის­თან ამ წუ­თებ­ში სხვა­დას­ხვა სოფ­ლი­დან ჩა­მო­სუ­ლი მო­სახ­ლე­ო­ბა იკ­რი­ბე­ბა.

რო­გორც კო­ა­ლი­ცია "ქარ­თუ­ლი ოც­ნე­ბის" ოფის­ში აცხა­დე­ბენ, პირ­ვე­ლად "ნა­ცი­ო­ნა­ლუ­რი მოძ­რა­ო­ბის" ოფის­თან შე­ჩერ­დე­ბი­ან და შემ­დეგ პო­ლი­ცი­ის შე­ნო­ბას­თან გა­და­ი­ნაც­ვლე­ბენ.

რაც შე­ე­ხე­ბა ოზურ­გეთს, მსვლე­ლო­ბა "ქარ­თუ­ლი ოც­ნე­ბის" ოფი­სი­დან და­ი­წყო, შე­ჩერ­დე­ბი­ან პო­ლი­ცი­ის შე­ნო­ბას­თან და იუს­ტი­ცი­ის სახ­ლთან. მსვლე­ლო­ბა შე­საძ­ლოა დაბა ლა­ი­თუ­რის­კენ გაგ­რძელ­დეს, სა­დაც ცი­ხის მშე­ნებ­ლო­ბა მიმ­დი­ნა­რე­ო­ბა.

პა­ტი­მარ­თა წა­მე­ბი­სა და არა­ა­და­მი­ა­ნუ­რი მო­პყრო­ბის ფაქ­ტე­ბი, წუ­ხელ გვი­ან ღა­მით, თე­ლავ­ში, ერეკ­ლე მე­ო­რეს მო­ე­დან­ზე გა­აპ­რო­ტეს­ტეს. აქ­ცი­ა­ზე, კო­ა­ლი­ცია ქარ­თუ­ლი ოც­ნე­ბის" გურ­ჯა­ა­ნი­ის მა­ჟო­რი­ტა­რი დე­პუ­ტა­ტო­ბის კან­დი­და­ტი მა­ნა­ნა ბე­რი­კაშ­ვი­ლი, თე­ლა­ვის მა­ჟო­რი­ტა­რი კან­დი­და­ტი გელა სამ­ხა­რა­უ­ლი და ყვარ­ლის მა­ჟო­რი­ტა­რი დე­პუ­ტა­ტო­ბის კან­დი­და­ტი და­ვით ქევ­ხიშ­ვი­ლი 40 მხარ­დამ­ჭერ­თან ერ­თად შე­იკ­რიბ­ნენ და სას­ჯე­ლაღ­სრუ­ლე­ბის და­წე­სე­ბუ­ლე­ბებ­ში გან­ხორ­ცი­ე­ლე­ბუ­ლი ძა­ლა­დო­ბა დაგ­მეს.

რო­გორც "ინ­ტერპრეს­ნი­უ­სის" კო­რეს­პონ­დენ­ტი კა­ხე­თი­დან იტყო­ბი­ნე­ბა, აქ­ცი­ა­ზე მა­ნა­ნა ბე­რი­კაშ­ვილ­მა ჟურ­ნა­ლის­ტებს გა­ნუ­ცხა­და, რომ მი­ხე­ილ სა­ა­კაშ­ვი­ლი დამ­ნა­შა­ვეა და უნდა გა­დად­გეს. "ქარ­თუ­ლი ოც­ნე­ბის" აქ­ცია თე­ლა­ვის ცენ­ტრში დი­ლის 4:00 სათ­ზე დას­რულ­და. დღეს კა­ხეთ­ში პა­ტი­მარ­თა წა­მე­ბის ფაქ­ტზე, საპ­რო­ტე­ტო აქ­ცია და­გეგ­მი­ლი არ არის.

სას­ჯე­ლაღ­სრუ­ლე­ბის რუს­თა­ვის @N16 და­წე­სე­ბუ­ლე­ბას­თან საპ­რო­ტეს­ტო აქ­ცია 13:00 სა­ათ­ზე და­ი­წყო. აქ­ცი­ის ორ­გა­ნი­ზა­ტო­რი, "ქარ­თუ­ლი ოც­ნე­ბის" ახალ­გაზ­რდუ­ლი ფრთაა.

რო­გორც "ინ­ტერპრეს­ნი­უ­სის" რუს­თა­ვე­ლი კო­რეს­პონ­დენ­ტი იუ­წყე­ბა, აქ­ცი­ის მო­ნა­წი­ლე­ე­ბი გლ­და­ნის N8 და­წე­სე­ბუ­ლე­ბა­ში და ზო­გა­დად სას­ჯე­ლაღ­სრუ­ლე­ბის და­წე­სე­ბუ­ლე­ბებ­ში მსჯავ­რდე­ბულ­თა ცე­მი­სა და წა­მე­ბის, ასე­ვე შე­უ­რა­ცხყო­ფის ფაქ­ტებს აპ­რო­ტეს­ტე­ბენ. აქ­ცი­ა­ში მო­ნა­წი­ლე­ო­ბას "ქარ­თუ­ლი ოც­ნე­ბის" წევ­რე­ბი, მხარ­დამ­ჭე­რე­ბი და ახალ­გაზ­რდუ­ლი ფრთის წევ­რე­ბი იღე­ბენ. აქ­ცი­ის მო­ნა­წი­ლე­ე­ბი რუს­თა­ვის N16 და­წე­სე­ბუ­ლე­ბას­თან ტრან­სპა­რან­ტე­ბით არი­ან შეკ­რე­ბი­ლი - "სო­ლი­და­რო­ბა პა­ტიმ­რებს", "იწა­მე ადა­მი­ა­ნი", "ძირს ტი­რა­ნი ხე­ლი­სუფ­ლე­ბა", აქ­ცი­ის მო­ნა­წი­ლე­ე­ბი პა­ტიმ­რებს შე­ძა­ხი­ლე­ბით ამ­ხნე­ვე­ბენ, N16 და­წე­სე­ბუ­ლე­ბის ფან­ჯრებ­ში პა­ტიმ­რე­ბი ჩა­ნან, რომ­ლე­ბიც აქ­ცი­ის მო­ნა­წი­ლე­ებს ფან­ჯრე­ბი­დან, გი­სო­სებს მიღ­მა­დან ხელს უქ­ნე­ვენ.

N16 და­წე­სე­ბუ­ლე­ბა­ში იმ­ყო­ფე­ბოდ­ნენ ასე­ვე სა­სუ­ლი­ე­რო პი­რე­ბი - დე­კა­ნო­ზი და­ვით ისა­კა­ძე, იგი დღეს პა­ტიმ­რებ­თან იყო შე­სუ­ლი და მო­ი­ნა­ხუ­ლა. რო­გორც დე­კა­ნოზ­მა და­ვით ისა­კა­ძემ "ინ­ტერპრეს­ნი­უს­თან" სა­უ­ბარ­ში გა­ნა­ცხა­და, ის გმობს ყვე­ლა იმ სი­სას­ტი­კეს, რო­მელ­საც ად­გი­ლი ჰქონ­და გლ­და­ნის N8 და­წე­სე­ბუ­ლე­ბა­ში. დე­კა­ნოზ და­ვით ისა­კა­ძის გან­ცხა­დე­ბით ყვე­ლა დამ­ნა­შა­ვე უნდა და­ი­სა­ჯოს. აქ­ცია ამ დრომ­დე გრძელ­დე­ბა.

სას­ჯე­ლაღ­სრუ­ლე­ბის გლ­და­ნის N8 და­წე­სე­ბუ­ლე­ბა­ში პა­ტიმ­რე­ბის მი­მართ არა­სა­თა­ნა­დო მო­პყრო­ბის ფაქ­ტე­ბის ამ­სახ­ვე­ლი კად­რე­ბი გუ­შინ გავ­რცელ­და. სა­გან­გე­ბო გან­ცხა­დე­ბა პირ­ვე­ლად შსს-მ გა­ა­კე­თა. სა­მი­ნის­ტროს ინ­ფორ­მა­ცი­ით, პა­ტი­მარ­თა მი­მართ და­მამ­ცი­რე­ბე­ლი ან არა­ა­და­მი­ა­ნუ­რი მო­პყრო­ბის ფაქ­ტე­ბის ორ­გა­ნი­ზე­ბა­ში "ქარ­თუ­ლი ოც­ნე­ბის" დე­დოფ­ლის­წყა­როს მა­ჟო­რი­ტა­რო­ბის კან­დი­და­ტის მამა, თა­მაზ თა­მა­ზაშ­ვი­ლი ფი­გუ­რი­რებს. გა­მო­ძი­ე­ბის ცნო­ბით­ვე, და­ნა­შა­უ­ლის დამ­კვეთ მხა­რეს­თან კონ­ტაქ­ტის უზ­რუნ­ველ­ყო­ფა თავ­და­პირ­ვე­ლად თა­მაზ თა­მა­ზაშ­ვი­ლის, ხოლო შემ­დგომ თა­მაზ ელიზ­ბა­რაშ­ვი­ლის მეშ­ვე­ო­ბით ხორ­ცი­ელ­დე­ბო­და. გა­მო­ძი­ე­ბის ამ ეტაპ­ზე ბრალ­დე­ბუ­ლე­ბად ცნეს და და­ა­კა­ვეს გლ­და­ნის მე-8 სა­პყრო­ბი­ლის უსაფრ­თხო­ე­ბის გან­ყო­ფი­ლე­ბის უფ­რო­სი ლე­ვან ფურ­ცხვა­ნი­ძე, გან­ყო­ფი­ლე­ბის კონ­ტრო­ლი­ო­რი ლე­ვან ფხა­ლა­ძე და გან­ყო­ფი­ლე­ბის ინ­სპექ­ტო­რი ბო­რის ფა­რუ­ლა­ვა, ხოლო ვლა­დი­მერ ბე­დუ­კა­ძე იძებ­ნე­ბა.

გუ­შინ­ვე პა­ტიმ­რე­ბის წა­მე­ბის, ასე­ვე ფი­ზი­კუ­რი და მო­რა­ლუ­რი შე­უ­რა­ცხყო­ფის ამ­სახ­ვე­ლი უმ­ძი­მე­სი კად­რე­ბი "მა­ესტრომ" და "მე-9 არ­ხმა" გა­ავ­რცე­ლეს. აღ­ნიშ­ნუ­ლი კად­რე­ბის ეთერ­ში გას­ვლის შემ­დგომ სას­ჯე­ლაღ­სრუ­ლე­ბის, პრო­ბა­ცი­ი­სა და იუ­რი­დი­უ­ლი დახ­მა­რე­ბის სა­კი­თხთა მი­ნის­ტრმა უწყე­ბის სას­ჯე­ლაღ­სრუ­ლე­ბის დე­პარ­ტა­მენ­ტის თავ­მჯდო­მა­რე და­ვით ჭა­კუა თა­ნამ­დე­ბო­ბი­დან გა­ა­თა­ვი­სუფ­ლა, მოგ­ვი­ა­ნე­ბით კი პრე­მი­ერს მისი გა­დად­გო­მის წი­ნა­და­დე­ბით მი­მარ­თა.

"ინ­ტერპრეს­ნი­უ­სი"