მნიშვნელოვანი ინფორმაცია
21
ივნისიდღის ზოგადი ასტროლოგიური პროგნოზი
შაბათი, მთვარის ოცდამეხუთე დღე დაიწყება 01:51-ზე, მთვარე კუროში გადაბრძანდება 05:52-ზე –
დღე პასიურია, მოუსმინეთ თქვენს შინაგან ხმას. არ იჩქაროთ. დღის პირველ ნახევარში დაისვენეთ. მოაგვარეთ მარტივი საკითხები. გადადეთ რთული მოლაპარაკებები. დაიცავით ნეიტრალიტეტი კოლეგებთან ურთიერთობაში. არ არის რეკომენდებული: აჩქარება, ხელშეკრულებებისა და კონტრაქტების გაფორმება. გადაწყვეტილებების მიღება. გააძლიერეთ თქვენი ფინანსური მდგომარეობა. ხელსაყრელია ავეჯის და უძრავი ქონების შეძენა. შეიძინეთ სურსათი და საყოფაცხოვრებო ნივთები. უმჯობესია თავი შეიკავოთ ქონის, ლორის, ქაშაყის, დამუშავებული ყველის და მსგავსი პროდუქტების ჭამისგან.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ზურაბ აბაშიძე - ხათუნა კალმახელიძის გადადგომით ის შემზარავი ისტორია, რომელიც გლდანის ციხეს უკავშირდება, არ სრულდება
04:01 / 19-09-2012
ხათუნა კალმახელიძის გადადგომით ის შემზარავი ისტორია, რომელიც გლდანის ციხეს უკავშირდება, არ სრულდება, - ამის შესახებ "ინტერპრესნიუსს" პოლიტოლოგმა ზურაბ აბაშიძემ განუცხადა.
მისივე განმარტებით, ვიდეოჩანაწერები, რომლებიც ორი ტელეკომპანიის მიერ გავრცელდა, ადასტურებს, რომ პატიმართა წამების ფაქტები ერთჯერადი არაა და სახეზე სისტემური პრობლემაა.
"ეს შემზარავი ფაქტებია. დილიდან ძალიან ცუდად ვგრძნობ თავს. კალმახელიძის გადადგომით ეს შემზარავი ისტორია არ სრულდება. ის გამოძიებით უნდა გაგრძელდეს, რომელიც საზოგადოებრივი ორგანიზაციების მონაწილეობით უნდა წარიმართოს, რადგან ხელისუფლებისადმი საზოგადოების უნდობლობა ახლა ძალიან დიდია. ყველამ პასუხი უნდა აგოს იმ გამაოგნებელ ფაქტებზე, რაც ვიხილეთ. აქ სხვა მიდგომა არ შეიძლება", - განუცხადა ზურაბ აბაშიძემ "ინტერპრესნიუსს".
ამასთან, მისივე განმარტებით, აღნიშნულის მიუხედავად საზოგადოებამ სიმშვიდე უნდა შეინარჩუნოს და არჩევნებამდე მივიდეს.
"ხელისუფლებას არ უნდა მივცეთ საბაბი, რომ არჩევნები საფრთხის ქვეშ დადგეს", - აღნიშნა აბაშიძემ.
სასჯელაღსრულების გლდანის #8 დაწესებულებაში პატიმრების მიმართ არასათანადო მოპყრობის ფაქტების ამსახველი კადრები გუშინ გავრცელდა. საგანგებო განცხადება პირველად შსს-მ გააკეთა. სამინისტროს ინფორმაციით, პატიმართა მიმართ დამამცირებელი ან არაადამიანური მოპყრობის ფაქტების ორგანიზებაში "ქართული ოცნების" დედოფლისწყაროს მაჟორიტარობის კანდიდატის მამა, თამაზ თამაზაშვილი ფიგურირებს. გამოძიების ცნობითვე, დანაშაულის დამკვეთ მხარესთან კონტაქტის უზრუნველყოფა თავდაპირველად თამაზ თამაზაშვილის, ხოლო შემდგომ თამაზ ელიზბარაშვილის მეშვეობით ხორციელდებოდა. გამოძიების ამ ეტაპზე ბრალდებულებად ცნეს და დააკავეს გლდანის მე-8 საპყრობილის უსაფრთხოების განყოფილების უფროსი ლევან ფურცხვანიძე, განყოფილების კონტროლიორი ლევან ფხალაძე და განყოფილების ინსპექტორი ბორის ფარულავა, ხოლო ვლადიმერ ბედუკაძე იძებნება.
გუშინვე პატიმრების წამების, ასევე ფიზიკური და მორალური შეურაცხყოფის ამსახველი უმძიმესი კადრები "მაესტრომ" და "მე-9 არხმა" გაავრცელეს. აღნიშნული კადრების ეთერში გასვლის შემდგომ სასჯელაღსრულების, პრობაციისა და იურიდიული დახმარების საკითხთა მინისტრმა უწყების სასჯელაღსრულების დეპარტამენტის თავმჯდომარე დავით ჭაკუა თანამდებობიდან გაათავისუფლა, მოგვიანებით კი პრემიერს მისი გადადგომის წინადადებით მიმართა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
