8
ივნისიდღის ზოგადი ასტროლოგიური პროგნოზი
ყველას, ვინც პატიმართა უფლებების დარღვევის პროვოცირებას გარედან ცდილობს, კანონის ფარგლებში საკადრისი პასუხი გაეცემა , - ამის შესახებ სასჯელაღსრულების მინისტრმა ხათუნა კალმახელიძემ გლდანის #8-ე დაწესებულებაში გამოვლენილი დანაშაულებრივი სქემის საკითხზე გამართულ ბრიფინგზე განაცხადა.
მისი თქმით, სისტემის დისკრედიტაციის მიზნით, პატიმართა უფლებების რღვევის ფაქტები კიდევ ერთხელ ცხადყოფს, რომ საერთაშორისო სტანდარტებამდე სისტემაში ჯერ კიდევ ბევრია გასაკეთებელი.
"ჩვენი უთავრესი მიზანი იყო გამოგვევლინა დამნაშავეების ის ჯგუფი, რომლებიც მსჯავრდებულთა მიმართ არაადამიანური მოპყრობის ხარჯზე სისტემის დისკრედიტაციას ახდენდნენ. სამწუხაროა, რომ ჩვენს სისტემაში დღემდე მუშაობდნენ ადამიანები, რომლებიც კორუფციაში მონაწილეობით ხელყოფდნენ მსჯავრდებულთა უფლებებს. ასბოლუტურად შეურიგებლები ვიქნებით, ნებისმიერი დანაშაულებრივი ქმედების მიმართ. პატიმართა უფლებების განუხრელი დაცვა არის და იქნება სამინისტროს პრიორიტეტი. ყველას, ვინც გარედან ცდილობს პატიმართა უფლებების დარღვევის პროვოცირებას, საკადრისი პასუხი გაეცემა, კანონის ფარგლებში", - განაცხადა ხათუნა კალმახელიძემ.
პატიმართა მიმართ დამამცირებელი ან არაადამიანური მოპყრობის ფაქტების ორგანიზებაში "ქართული ოცნების" დედოფლისწყაროს მაჟორიტარობის კანდიდატის მამა, თამაზ თამაზაშვილი ფიგურირებს, - ამის შესახებ შსს-ში სამინისტროში დღეს გამართულ ბრიფინგზე დეტექტივმა, ნიკა კობახიძემ ბრიფინგი გაიმართა.
მისივე ცნობით, მოპოვებული მტკიცებულებების შესაბამისად დადგინდა, რომ პატიმართა მიმართ არაადამიანური მოპყრობის ორგანიზება, მათი ვიდეოფირზე დაფიქსირება და სოლიდური ფულადი ანაზღაურების სანაცვლოდ დამკვეთებისთვის გადაცემის შეთავაზება საპყრობილის თანამშრომლებმა ამავე საპყრობილეში განთავსებული თამაზ თამაზაშვილისგან მიიღეს.
ამ ეტაპზე გამოძიების ხელთ არსებული მტკიცებულებებით ირკვევა, რომ დანაშაულის დამკვეთ მხარესთან კონტაქტის უზრუნველყოფა ხორციელდებოდა თავდაპირველად თამაზ თამაზაშვილის, ხოლო შემდგომ თამაზ ელიზბარაშვილის მეშვეობით.
როგორც შსს-ში აცხადებენ, მე-8 საპყრობილის უსაფრთხოების განყოფილების უფროსის, ლევან ფურცხვანიძის სამუშაო კაბინეტის ჩხრეკისას ამოღებულ იქნა პატიმართა მიმართ არაადამიანური მოპყრობის ამსახველი ვიდეოფირი და 17 000 აშშ დოლარი. არსებობს ვარაუდი, რომ ფირზე ასახული ფაქტის გარდა ჩადენილია სხვა ანალოგიური ხასიათის დანაშაულებრივი ქმედება.
გამოძიების ამ ეტაპზე ბრალდებულებად ცნეს და დააკავეს გლდანის მე-8 საპყრობილის უსაფრთხოების განყოფილების უფროსი ლევან ფურცხვანიძე, განყოფილების კონტროლიორი ლევან ფხალაძე და განყოფილების ინსპექტორი ბორის ფარულავა, ხოლო ვლადიმერ ბედუკაძის მიმართ გამოცხადებულია ძებნა. გამოძიება გრძელდება.
