7
ივნისიდღის ზოგადი ასტროლოგიური პროგნოზი
იმედი მაქვს, რომ ქართველი და რუსი ლიდერები, ამერიკის დახმარებით, უთანხმოებებს დაძლევენ, - ამის შესახებ ამერიკის შეერთებული შტატების თავდაცვის მდივნის ყოფილმა მოადგილემ სელესტ ვოლანდეტმა "ამერიკის ხმასთან" ინტერვიუში განაცხადა.
თუმცა, როგორც ვოლანდერი აღნიშნავს, უახლოეს პერიოდში საქართველო-რუსეთის ორმხრივი ურთიერთობების საგრძობი გაუმჯობესების შესაძლებლობას ვერ ხედავს.
"მე ინფორმირებული ვარ, რომ ორივე სახელმწიფოში მთავრობის წევრები და, ასევე ადამიანები სამთავრობო წრეებს გარეთ, იმედს ამყარებენ, რომ შენარჩუნდება ის ტენდენცია, რისი მიღწევაც ბოლო წლებში მოხერხდა; არ მოხდება ძალადობის განმეორება და ვითარების ესკალაცია. ორივე მხარეზე პოლიტიკური რიტორიკა ხშირად ჭარბობს და ეს ხელს არ უწყობს დაძაბულობის განმუხტვას, მაგრამ უნდა ვაღიაროთ ისიც, რომ ხშირად ომის დასრულებას დამატებითი დაძაბულობა და ძალადობა მოსდევს, რასაც ვერ ვიტყვი რუსეთისა და საქართველოს შემთხვევაზე. მაგრამ, საბოლოო ჯამში ვერც ეს სიტუაცია დაარეგულირებს კონფლიქტს და ბოლოს მაინც საჭირო იქნება ორივე მხარის გაბედული ნაბიჯები იმ საკითხების გადასაწყვეტად, რომელიც რუსეთის მიერ ქართული ტერიტორიების ოკუპაციას, საქართველოს სუვერენული მიწების ირგვლივ არსებულ უთანხმოებას ახლავს თან", - აღნიშნა ვოლანდერმა.
მისივე თქმით, მისთვის ცნობილია იმ კვლევების შესახებ, რომლებიც ამ უთანხმოების გადალახვის სხვადასხვა გზებს სახავს.
"თუმცა, საბოლოო ჯამში, ეს არის პოლიტიკოსების გასაკეთებელი საქმე", - აღნიშნა ვოლანდერმა.
