შემოსავლების სამსახურის ცნობით, სალარო აპარატების შეფერხებით მუშაობის გამო მეწარმეები არ დაჯარიმდებიან

გასულ დღეებში სალარო აპარატების შეფერხებით მუშაობის გამო მეწარმეების დაჯარიმება არ მოხდება.

ამის შესახებ "ინტერპრესნიუსს" შემოსავლების სამსახურის პრესსამსახურში განუცხადეს.

მათივე განმარტებით, სალარო აპარატების შეფერხებით მუშაობა ტექნიკურ პრობლემებს უკავშირდებოდა.

"სალარო აპარატები შეფერხებით იმის გამო მუშაობდა, რომ პრობლემები ჰქონდა "ჯეოსელს". პრობლემა უკვე აღმოფხვრილია. რაც შეეხება მეწარმეებს, ისინი არ დაჯარიმდებიან, გამომდინარე იქედან, რომ ჩეკის ამორტყმას ტექნიკური პრობლემის გამო ვერ ახერხებდნენ", - განმარტეს პრესსამსახურში.

სალარო აპარატები შეფერხებით რამდენიმე დღის განმავლობაში მუშაობდა.

"ინტერპრესნიუსი"