რუსეთის პრეზიდენტმა ჯარისკაცებს თავდაცვისთვის მზადყოფნისკენ მოუწოდა
რუსეთის პრეზიდენტმა, ვლადიმერ პუტინმა სამხედრო სწავლება "კავკაზ 2012"-ის მონაწილეებს მიმართა და ჯარისკაცებს თავდაცვისთვის მზადყოფნისკენ მოუწოდა.
"რია ნოვოსტის" ცნობით, რაიევსკის პოლიგონზე პუტინმა განაცხადა, რომ მსოფლიოში შეირაღებული კონფლიქტების მასობრივი გახშირება კიდევ უფრო ზრდის ეფექტური და კვალიფიციური არმიის მნიშვნელობას.
როგორც რუსეთის პრეზიდენტმა განმარტა, შესაბამისად, აუცილებელია, რუსეთს ჰყავდეს კარგად მომზადებული ჯარი, რომელიც ერთნაირად კარგად გაართმევს თავს შეტევით და თავდაცვით ფუნქციებს, უზრუნველყოფს რუსეთის ეროვნულ უსაფრთხოებას.
"თქვენ ყველანი გონიერი ადამიანები ხართ, ხედავთ რაც ხდება დღეს მსოფლიოში. სამწუხაროდ, სულ უფრო ხშირდება საერთაშორისო ურთიერთობებში ძალის გამოყენების შემთხვევები",- უთხრა პუტინმა ჯარისკაცებს.
რუსეთის პრეზიდენტმა ასევე აღნიშნა, რომ იგი გეგმავს რუსეთის სამხედრო ძალების მოდერნიზაციასა და მათ აღჭურვას უახლესი საბრძოლო შეიარაღებით.
"კავკაზ 2012" გუშინ დაიწყო და 23 სექტემბრამდე გაგრძელდება.
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
