8
ივნისიდღის ზოგადი ასტროლოგიური პროგნოზი
ეკონომიკისა და მდგრადი განვითარების სამინისტროს ინფორმაციით, "ლოგოსი" და "თეთრი სახლი" სახელმწიფოს თავად აღნიშნული შპს-ების ხელმძღვანელობამ გადასცა .
როგორც "ინტერპრესნიუსს" სამინისტროში განუცხადეს, კომპანიამ მშენებლობა ჯერ კიდევ კრიზისამდე შეაჩერა და მოსახლეობის წინაშე ნაკისრი ვალდებულებები ვეღარ შეასრულა.
"აღნიშნული კომპანიები სახელმწიფოს საკუთრებაში პროცედურების სრული დაცვით გადავიდა. ეს შპს-ები გაკოტრებულია და იმისთვის, რომ მშენებლობა აღდგეს და საცხოვრებელი ფართებით მოსახლეობის უზრუნველყოფა მოხერხდეს, შპს-ების ხელმძღვანელებმა "თეთრი სახლი" და "ლოგოს"-ი სახელმწიფოს თავად გადასცეს", - განუცხადა "ინტერპრესნიუსს" სამინისტროს საზოგადოებასთან ურთიერთობის სამსახურის ხელმძღვანელმა თეა ბოლქვაძემ.
კომპანია "ლოგოსი" და ამხანაგობა "თეთრი სახლი" სახელმწიფო საკუთრებაში გადავიდა, - ამის შესახებ "ინტერპრესნიუსისთვის" ექსკლუზიურად გახდა ცნობილი. შესაბამისი დოკუმენტაცია ეკონომიკის სამინისტროსთან გასული კვირის მდგომარეობით არის გაფორმებული. ეკონომიკის სამინისტროს ბალანსზე გადავიდა გიორგი ისაკაძის კუთვნილი მიწის ნაკვეთიც, რომელიც ჭავჭავაძის გამზირის #7-ში მდებარე სამშენებლო კომპლექსის ნაწილი იყო.
ეს კომპანიები, ძირითადად, სამშენებლო ბიზნესით იყვნენ დაკავებული. ამ კომპანიებთან კავშირში იყვნენ ბიზნესმენები გოჩა ძასოხოვი და ჯოზეფ ქეი, თუმცა არც ერთი მათგანი, არსებული ინფორმაციით, დღეს საქართველოში არ იმყოფება.
"ინტერპრესნიუსმა" თემის კომენტირებისთვის გიორგი ისაკაძესთან დაკავშირება ვერ შეძლო. ბიზნესმენის თანამშრომლები კი აღნიშნულ ფაქტს ადასტურებენ. მათივე ინფორმაციით, გიორგი ისაკაძე ამერიკის შეერთებულ შტატებში იმყოფება და კომენტარს დაახლოებით ერთ კვირაში, საქართველოში დაბრუნების შემდეგ გააკეთებს.
