მნიშვნელოვანი ინფორმაცია
11
ივნისიდღის ზოგადი ასტროლოგიური პროგნოზი
მთვარის მეთექვსმეტე დღე დაიწყება 23:24-ზე, მთვარე მშვილდოსანშია – შეინარჩუნეთ ბალანსი. კარგია ვარჯიში. სასარგებლოა ყველაფრის გაწმენდა, მოწესრიგება. დაასრულეთ დაუსრულებელი დავალებები. კარგია მიღწეული პოზიციების გაძლიერება. უფროსებმა არ მოსთხოვოთ ზედმეტ მიღწევები ქვეშევრდომებს. გადადეთ სერიოზული საქმეები. მოერიდეთ აურზაურსა და სტრესს. ყურადღება მიაქციეთ თქვენი სამუშაო ადგილის კომფორტულ მოწყობას. დაკავდით შემოქმედებით, მუსიკით და პოეზიით. არ არის რეკომენდებული ცხოველური საკვების, სოკოსა და პარკოსნების მიღება.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თორნიკე გორდაძე - ოპონენტებს შორის საგარეო პოლიტიკურ თემებზე დებატები არ იმართება, რაც ალბათ ინტელექტუალური რესურსის ნაკლებობაზე მეტყველებს
06:29 / 15-09-2012
საქართველოს სახელმწიფო მინისტრის ევროპულ და ევროატლანტიკურ სტრუქტურებში ინტეგრაციის საკითხებში თორნიკე გორდაძის განცხადებით, ცუდია, რომ წინასაარჩევნოდ პოლიტიკურ ოპონენტებს შორის საგარეო პოლიტიკურ თემებზე დებატები არ იმართება.
როგორც სასტუმრო "ქორთიარდ მარიოტში", აღმოსავლეთ პარტნიორობის სამოქალაქო საზოგადოების ფორუმის - "საქართველოს ეროვნული პლატფორმის" კონფერენციაზე სიტყვით გამოსვლისას გორდაძემ განაცხადა, ამ საკითხთან დაკავშირებით დებატები პოლიტიკურ პარტიებს შორის არასაკმარისია, რაც ალბათ ინტელექტუალური რესურსის ნაკლებობაზე მეტყველებს. მინისტრის თქმით, პირველი ოქტომბრის საპარლამენტო არჩევნების დემოკრატიულად, თავისუფლად და გამჭვირვალედ ჩატარებას დიდი მნიშვნელობა აქვს, როგორც ქვეყნის შიგნით, ისე - მის ფარგლებს გარეთ.
"ამ არჩევნებს საერთაშორისო თანამეგობრობა დიდი ყურადღებით აკვირდება და არ უნდა მივცეთ სკეპტიკოსებს საბაბი იმისა, რომ ევროატლანტიკური სივრცისკენ საქართველოს სწრაფვა შეფერხდეს. სამწუხაროდ, ბოლო პერიოდში სიძულვილმა მოიმატა, ადვილად ხდება ადამიანებით მანიპულირება. ჩემი პირადი თხოვნა იქნება, ამ ტიპის რადიკალიზაციისა და სიძულვილის აღმოფხვრას ყველამ ერთად შევუწყოთ ხელი", - აღნიშნა გორდაძემ.
მისი აზრით, არჩევნების დემოკრატიულად და თავისუფლად ჩატარებაში დიდი პასუხისმგებლობა ეკისრება, როგორც ხელისუფლებას, ისე პოლიტიკურ პარტიებსა და სამოქალაქო საზოგადოებას.
"პასუხისმგებლობა ჩვენ ყველას გვეკისრება და ამას არ უნდა გავექცეთ", - მიმართა ღონისძიების მონაწილეებს სახელმწიფო მინისტრმა.
ამასთან, გორდაძემ ყურადღება იმაზეც გაამახვილა, რომ კანონმდებლობის კუთხით დღევანდელი საარჩევნო გარემო ბევრად უფრო დახვეწილია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
