ქეთრინ ეშტონი მუსულმანური ქვეყნების მთავრობებს დიპლომატიური მისიების უსაფრთხოების უზრუნველყოფისკენ მოუწოდებს

ევროკავშირის უმაღლესი კომისარი საგარეო ურთიერთობათა საკითხებში ქეთრინ ეშტონი დასავლეთის დიპლომატიურ წარმომადგენლობაზე თავდასხმებს გმობს და მოუწოდებს მუსულმანური ქვეყნების მთავრობებს, უზრუნველყონ დიპლომატიური მისიების და პერსონალის უსაფრთხოება.

უცხოური მედიის ცნობით, ეშტონმა ასევე მოუწოდა სახელმწიფოებს, რელიგიურ და საზოგადოების ლიდერებს, არ დაუშვან რელიგიის გამოყენება ექსტრემიზმის მცდელობისთვის.

მუსულმანურ ქვეყნებში ამერიკისა და სხვა დასავლური ქვეყნების დიპლომატიურ მისიებზე თავდასხმა მას შემდეგ დაიწყო, რაც ინტერნეტში ფილმი "ისლამის უცოდველობა" გავრცელდა. მუსულმანების აზრით, ფილმი წინასწარმეტყველ მუჰამედს შეურაცხყოფს. დაღუპულია რამდენიმე ადამიანი.

"ინტერპრესნიუსი"