ახა­ლი სა­ტე­ლე­ვი­ზიო სე­ზო­ნი და­ი­წყო და რა­საკ­ვირ­ვე­ლია, მა­ყუ­რე­ბელს აინ­ტე­რე­სებს, თუ რა სი­ახ­ლე­ებს შე­მოგ­ვთა­ვა­ზე­ბენ ამა თუ იმ პო­პუ­ლა­რუ­ლი გა­და­ცე­მის მეს­ვე­უ­რე­ბი. გა­დავ­წყვი­ტე, "რუს­თა­ვი 2"-ის იუ­მო­რის­ტუ­ლი დე­პარ­ტა­მენ­ტის სცე­ნა­რისტსა და რე­ჟი­სორ­თან, ჩემს ძველ კო­ლე­გას­თან, ავთო მარ­გვე­ლაშ­ვილ­თან (ვარ­თე) გა­ნახ­ლე­ბულ პრო­ექ­ტებ­ზე მე­სა­უბ­რა. მი­უ­ხე­და­ვად იმი­სა, რომ სე­რი­ა­ლის გა­და­ღე­ბით და­კა­ვე­ბუ­ლი იყო, მა­ინც მი­მიწ­ვია ტე­ლე­ვი­ზი­ა­ში.

- ავთო, რო­დის შეს­თა­ვა­ზებთ მა­ყუ­რე­ბელს თქვენს გა­და­ცე­მებს და რა სი­ახ­ლე­ებს უნდა ვე­ლო­დოთ ახა­ლი სე­ზო­ნი­დან?

- ეთერს 14 სექ­ტემ­ბერს "ვა­ნოს შო­უ­თი" ვი­წყებთ, 16 სექ­ტემ­ბერს "კო­მე­დის" პირ­ველ გა­და­ცე­მას შე­მოგ­თა­ვა­ზებთ, ხოლო 22 სექ­ტემ­ბრი­დან სე­რი­ა­ლის - "ალუბ­ლე­ბის ქუჩა, 12" - მე­ო­რე სე­ზონს და­ვი­წყებთ. რაც შე­ე­ხე­ბა სი­ახ­ლე­ებს: ყო­ვე­ლი წლის სექ­ტემ­ბრის და­წყე­ბი­სას, ჩვენს გუნდს მიგ­ვაჩ­ნია, რომ შემ­დეგ კლას­ში გა­და­ვე­დით და უფრო მეტი მოგ­ვე­თხო­ვე­ბა. შე­სა­ბა­მი­სად, ახა­ლი "სა­ხელ­მძღვა­ნე­ლო­ე­ბი" ვი­ყი­დეთ, "ჩან­თაც" შე­ვი­ძი­ნეთ და სხვა "სას­კო­ლო ატ­რი­ბუ­ტე­ბიც"... მოკ­ლედ, მთე­ლი მონ­დო­მე­ბით და­ვი­წყეთ მუ­შა­ო­ბა. სი­ახ­ლე­ე­ბის ჩა­მოთ­ვლას კი "ვა­ნოს შო­უ­დან" და­ვი­წყებ. ამ გა­და­ცე­მის პა­სუ­ხის­მგებ­ლო­ბა მით უფრო იზ­რდე­ბა, რაც უფრო პო­ლი­ტი­კუ­რად აქ­ტი­უ­რი ეპო­ქაა სა­ქარ­თვე­ლო­ში. ამი­ტომ ამ გა­და­ცე­მა­ზე გან­სა­კუთ­რე­ბუ­ლად "გამ­ძაფ­რე­ბუ­ლი" მუ­შა­ო­ბა გვაქვს, რად­გან პო­ლი­ტი­კურ ას­პა­რეზ­ზე ახა­ლი პერ­სო­ნა­ჟე­ბი, პო­ლი­ტი­კუ­რი გუნ­დე­ბი გა­მოჩ­ნდნენ, რომ­ლე­ბიც ხე­ლი­სუფ­ლე­ბა­ში მო­სას­ვლე­ლად იბ­რძვი­ან. რად­გან "ვა­ნოს შოუ" ძი­რი­თა­დად მა­ინც პო­ლი­ტი­კუ­რი იუ­მო­რის გა­და­ცე­მაა (ჩემი აზ­რით, ეს გა­და­ცე­მა პო­ლი­ტი­კუ­რი იუ­მო­რის უმაღ­ლე­სი კლა­სია), ხალ­ხი ელო­დე­ბა მის და­წყე­ბას: ყვე­ლას აინ­ტე­რე­სებს, თუ რას იტყვის იუ­მო­რის ენით ამა თუ იმ მოვ­ლე­ნის ან გმი­რის შე­სა­ხებ.

- იუ­მორ­ში ალ­ბათ ცოტა სი­მარ­თლის მარ­ცვა­ლიც ურე­ვია ხოლ­მე...

- ცოტა - არა, 50-60% სი­მარ­თლეს ვამ­ბობთ. ცხა­დია, მი­უ­ხე­და­ვად იმი­სა, რომ ვა­ნომ სა­კუ­თარ თავს ამ მთავ­რო­ბის ჯამ­ბა­ზი შე­არ­ქვა, ყვე­ლამ კარ­გად იცის, რომ ვერ მი­ვარ­თვით ჩვე­ნი ჯამ­ბა­ზო­ბა ვერც მთავ­რო­ბას, ვერც ოპო­ზი­ცი­ას, - ორი­ვე მხა­რე­ზე თა­ნაბ­რად ვხუმ­რობთ. რაც "აქ­ტი­უ­რია", ნე­ბის­მი­ერ სცე­ნა­რისტს იმ სა­კი­თხზე ეწე­რი­ნე­ბა ხუმ­რო­ბა. ძა­ლი­ან მი­ხა­რია, რომ ჩვე­ნი პო­ლი­ტი­კო­სე­ბი საკ­მა­ოდ კარ­გად რე­ა­გი­რე­ბენ ამ იუ­მორ­ზე. ალ­ბათ ცოტა თვითკრი­ტი­კუ­ლე­ბიც არი­ან. ეს ნიშ­ნავს, რომ პო­ლი­ტი­კუ­რი კულ­ტუ­რის დონე ჩვენს ქვე­ყა­ნა­ში იზ­რდე­ბა, რაც ძა­ლი­ან კარ­გია.

- "ვა­ნოს შო­უ­ში" მა­ყუ­რე­ბელს პო­ლი­ტი­კურ დე­ბა­ტებ­საც ხომ არ შეს­თა­ვა­ზებთ?

- რა თქმა უნდა, დე­ბა­ტე­ბიც გვექ­ნე­ბა, უფა­სო რეკ­ლა­მე­ბის პა­რო­დი­ებ­საც გა­ვა­კე­თებთ, პო­ლი­ტი­კოს სტუმ­რებ­საც მო­ვიწ­ვევთ. რა­საც ისი­ნი სხვა გა­და­ცე­მებ­ში სე­რი­ო­ზუ­ლად ლა­პა­რა­კო­ბენ, ჩვენ­თან იმა­ვე სა­კი­თხებ­ზე იხუმ­რე­ბენ. ისეთ შე­კი­თხვებს ვწერთ, რა­ზეც ნე­ბის­მი­ე­რი პა­სუ­ხი სა­სა­ცი­ლო იქ­ნე­ბა, რად­გან იმ პა­სუხზე ვა­ნოს აუ­ცი­ლებ­ლად აქვს რეპ­ლი­კა... სხვა­თა შო­რის, ბევ­რი პო­ლი­ტი­კო­სის რე­ი­ტინ­გი საკ­მა­ოდ გაზ­რდი­ლა, როცა მა­ყუ­რე­ბელს მისი იუ­მო­რის­ტუ­ლი გა­მოს­ვლა უნა­ხავს. იუ­მო­რი ხომ უნი­ვერ­სა­ლუ­რი ია­რა­ღია... "ვა­ნოს შო­უ­ში" ძა­ლი­ან დიდი სი­ურპრი­ზიც გვექ­ნე­ბა.

- ახლა "კო­მე­დი შო­უ­ზეც" გვი­ამ­ბეთ.

- პირ­ვე­ლი გა­და­ცე­მა უკვე ჩა­წე­რი­ლი გვაქვს. ყვე­ლამ კარ­გად იცის ახა­ლი კლი­პი "მე მიყ­ვარს რაჭა"; სწო­რედ ამ კლი­პის პა­რო­დია გა­ვა­კე­თეთ და "მე მიყ­ვარს კო­მე­დი" ჰქვია. "კო­მე­დი შოუ" თა­ვის ახალ სე­ზონს ტრი­უმ­ფით გახ­სნის. აქაც, რა­საკ­ვირ­ვე­ლია, ახა­ლი სა­ხე­ე­ბი გა­მოჩ­ნდე­ბა, თუმ­ცა არც ძვე­ლებს და­ვი­ვი­წყებთ, რად­გან მა­ყუ­რე­ბელს ისი­ნი ძა­ლი­ან უყ­ვარს. გარ­და ამი­სა, ახალ პერ­სო­ნა­ჟებ­ზეც ვფიქ­რობთ. აგ­ვის­ტოს შვე­ბუ­ლე­ბის შემ­დეგ რომ შე­ვიკ­რი­ბეთ, ჩვენ­მა მსა­ხი­ობ­მა ბი­ჭებ­მა საკ­მა­ოდ სა­ინ­ტე­რე­სო პერ­სო­ნა­ჟე­ბი წარ­მოგ­ვიდ­გი­ნეს. ხომ ხდე­ბა, რომ სად­მე ძა­ლი­ან სა­ინ­ტე­რე­სო ადა­მი­ანს შეხ­ვდე­ბი. შე­საძ­ლოა, სხვამ ვერ შე­ამ­ჩნი­ოს, რომ მისი "გა­ეკ­რა­ნე­ბა" შე­იძ­ლე­ბა, მაგ­რამ იუ­მო­რის­ტი და მსა­ხი­ო­ბი პერ­სო­ნა­ჟის "ობ­რაზს" რომ და­ი­ჭერს, ის ხვდე­ბა, რომ იმის "გა­ტე­ლე­ვი­ზო­რე­ბა" შე­საძ­ლე­ბე­ლია.

- ამი­კო ჩო­ხა­რა­ძის, ფა­ქო­სა და თემო მჟა­ვი­ას შემ­ცვლე­ლი მსა­ხი­ო­ბე­ბი ხომ არ მი­გი­ღი­ათ?

- არა. მათი შემ­ცვლე­ლე­ბის ძებ­ნა არც კი დაგ­ვი­წყია.

- რა­ტომ? შე­უც­ვლე­ლე­ბი არი­ან?

- არა. მე მგო­ნი, პი­რი­ქით. არ შე­იძ­ლე­ბა, არ აღ­ვნიშ­ნოთ ამი­კოს ვო­კა­ლუ­რი ნიჭი, პლას­ტი­კუ­რო­ბა, "მრა­ვალ­პერ­სო­ნა­ჟუ­რო­ბა", რაც "კო­მე­დი შოუს", ცხა­დია, და­აკ­ლდა, მაგ­რამ შე­უც­ვლე­ლი არა­ვინ და არა­ფე­რია ამ ქვე­ყა­ნა­ზე და სა­ჭი­რო­ე­ბის შემ­თხვე­ვა­ში, მათ სხვა ადა­მი­ა­ნე­ბით ჩა­ვა­ნაც­ვლებთ. რომ გი­თხრა, მათი წას­ვლით "კო­მე­დი" და­ცა­რი­ელ­და და და­ვი­ღუ­პეთ-მეთ­ქი, მო­გა­ტყუ­ებთ. ფრთებ­შეკ­ვე­ცი­ლე­ბი ნამ­დვი­ლად არ ვართ...

- ორი­ო­დე სი­ტყვით, სე­რი­ალ­ზეც ვი­სა­უბ­როთ...

- ეს სე­რი­ა­ლი გა­ზა­ფხუ­ლის მი­წუ­რულს და­ვი­წყეთ. სა­ერ­თოდ, იშ­ვი­ა­თად ხდე­ბა, რომ ახა­ლი პრო­ექ­ტი ამ დროს და­ი­წყოს, მაგ­რამ ეს შეგ­ნე­ბუ­ლად გა­ვა­კე­თეთ, რად­გან გეგ­მა­ში გვქონ­და, რომ პა­ტა­რა მარ­ცვა­ლი ჩაგ­ვეგ­დო და გვე­ნა­ხა, რა შე­დე­გი მოჰ­ყვე­ბო­და. სე­ზო­ნი ამ სე­რი­ალ­მა მა­შინ და­ი­წყო, როცა კონ­კუ­რენტ არ­ხებ­ზე საკ­მა­ოდ კარ­გი პრო­ექ­ტე­ბი გა­დი­ო­და ეთერ­ში. გარ­და ამი­სა, ფეხ­ბურთში ევ­რო­პის ჩემ­პი­ო­ნა­ტი მიმ­დი­ნა­რე­ობ­და, მაგ­რამ ჩვენ ეს შეგ­ნე­ბუ­ლად გა­ვა­კე­თეთ, რად­გან გვინ­დო­და გაგ­ვე­გო, რო­მელ გა­და­ცე­მას რამ­დენ პრო­ცენტ მა­ყუ­რე­ბელს წა­არ­თმევ­და ეს სე­რი­ა­ლი. სა­ბედ­ნი­ე­როდ, ჩვენ­მა ცდამ გა­ა­მარ­თლა.

- რა­ტომ გა­და­წყვი­ტეთ, რომ ამ სე­რი­ალ­ში კონ­კუ­რენ­ტი არ­ხის საკ­მა­ოდ პო­პუ­ლა­რუ­ლი მსა­ხი­ო­ბე­ბი მო­გეწ­ვი­ათ, მა­შინ, როცა სა­ქარ­თვე­ლო­ში უამ­რა­ვი და­უ­საქ­მე­ბე­ლი, მაგ­რამ ნი­ჭი­ე­რი მსა­ხი­ო­ბი არ­სე­ბობს?

- ჩვენ ლე­კე­ბი არ ვართ, შე­სა­ბა­მი­სად, კონ­კუ­რენტ არ­ხებ­ზე არ ვთა­რე­შობთ და არა­ვინ გად­მოგ­ვი­ბი­რე­ბია. ეს ადა­მი­ა­ნე­ბი უმუ­შევ­რე­ბი იყ­ვნენ. მე, რო­გორც პრო­ფე­სი­ო­ნალ იუ­მო­რისტს, ნამ­დვი­ლად სა­ცო­და­ო­ბად მი­მაჩ­ნდა, ამ მა­ღალ­რე­ი­ტინ­გუ­ლი ადა­მი­ა­ნე­ბის უმუ­შევ­რო­ბა, რომ­ლე­ბიც 4 წლის მან­ძილ­ზე ძა­ლი­ან მა­გა­რი სე­რი­ა­ლის მთა­ვარ გმი­რებს თა­მა­შობ­დნენ. ჩვე­ნი მხრი­დან სწო­რი არ იქ­ნე­ბო­და, მათ­თვის სამ­სა­ხუ­რი არ შეგ­ვე­თა­ვა­ზე­ბი­ნა.

- რთუ­ლი არ არის, რომ მა­ყუ­რებ­ლის­თვის საყ­ვა­რე­ლი "დათო" უცებ "ნიკა ჯა­ფა­რი­ძედ" გა­და­აქ­ცი­ოთ?

- რა თქმა უნდა, ძა­ლი­ან რთუ­ლია. მხო­ლოდ დათო კი არა, თა­მუ­ნა ნი­კო­ლა­ძი­სა და თა­თუ­ლი ედი­შე­რაშ­ვი­ლის­თვი­საც რთუ­ლია იმის მიღ­წე­ვა, რომ მა­ყუ­რებ­ლის­თვის კვლა­ვაც ღლონ­ტე­ბად არ დარ­ჩნენ. პირ­ველ სე­ზონ­ში ამას ნამ­დვი­ლად მი­ვაღ­წი­ეთ. ამა­ზე ძა­ლი­ან ბევ­რი ვი­მუ­შა­ვეთ. პრო­ფე­სი­ო­ნა­ლე­ბი არი­ან და კარ­გად ხვდე­ბი­ან რე­ჟი­სო­რის და­ვა­ლე­ბას, სე­რი­ალ­ზე მუ­შა­ო­ბის სპე­ცი­ფი­კაც იცი­ან.

- ახა­ლი გმი­რე­ბის გა­მო­ჩე­ნას ხომ არ უნდა ვე­ლო­დოთ?

- კი, სე­რი­ა­ლის გუნდს ორი ახა­ლი გმი­რი და­ე­მა­ტე­ბა. მა­ყუ­რე­ბე­ლი დის­ტრი­ბუ­ტორ უჩა ფი­ფი­ას (კახა ჯო­ხა­ძის პერ­სო­ნა­ჟი) მე­უღ­ლეს გა­იც­ნობს, რო­მე­ლიც ორ­სუ­ლად არის და მე­ო­თხე შვილს ელო­დე­ბა. ასე­ვე, ნი­კას სა­მე­გობ­როს კი­დევ ერთი ადა­მი­ა­ნი და­ე­მა­ტე­ბა, რო­მელ­საც ხში­რი ურ­თი­ერ­თო­ბა ექ­ნე­ბა ჯა­ფა­რი­ძე­ე­ბის ოჯახ­თან.

- უჩას მე­უღ­ლის როლს ვინ შე­ას­რუ­ლებს?

- ძა­ლი­ან კარ­გი მსა­ხი­ო­ბი და ადა­მი­ა­ნი - თიკო კორ­ძა­ძე.

- ჩემ­თვის და ალ­ბათ მა­ყუ­რებ­ლის­თვი­საც ძა­ლი­ან სა­ინ­ტე­რე­სოა, სცე­ნა­რის­ტო­ბი­დან რო­გორ აღ­მოჩ­ნდი რე­ჟი­სო­რის ამ­პლუ­ა­ში?

- კო­მუ­ნის­ტე­ბის დრო­ინ­დე­ლი შავ-თეთ­რი ფილ­მი არ­სე­ბობს - "ბედ­ნი­ე­რი შეხ­ვედ­რა", რო­მე­ლიც მე­ჩა­ი­ე­ებ­ზეა. მას­ში მთა­ვარ როლს ვე­რი­კო ან­ჯა­ფა­რი­ძე ას­რუ­ლებს. ის კო­ლექ­ტი­ვის თავ­მჯდო­მა­რეა, რო­მელ­საც შრო­მის გმი­რის წო­დე­ბა­ზე წა­რად­გე­ნენ. და­ჯილ­დო­ე­ბის დროს, ვე­რი­კოს გმი­რი ტრი­ბუ­ნა­ზე ადის და ამ­ბობს, - ხომ ხე­დავთ ამ ჭა­ღა­რას!.. მეც ამას გა­ვი­მე­ო­რებ, - ხომ ხე­დავთ ამ ჭა­ღა­რას: წლე­ბია, ამ სფე­რო­ში ვტრი­ა­ლებ და დიდი გა­მოც­დი­ლე­ბა მაქვს. 2003 წლი­დან "რუს­თა­ვი 2"-ზე იუ­მო­რის­ტუ­ლი შო­უ­ე­ბის თა­ნამ­შრო­მე­ლი, სცე­ნა­რის­ტი და გარ­კვე­უ­ლი რუბ­რი­კე­ბის რე­დაქ­ტო­რი ვარ. ტე­ლე­ვი­ზი­ა­ში მოს­ვლამ­დე კი ჩემი მოღ­ვა­წე­ო­ბა, ისე­ვე, რო­გორც ჩვე­ნი თა­ნამ­შრომ­ლე­ბის 99%-ისა, მხი­ა­რულ­თა და საზ­რი­ან­თა კლუ­ბის თა­მა­შე­ბით და­ი­წყო. ამ თა­მაშს 1988 წლი­დან ვთა­მა­შობ­დი, მა­შინ, რო­დე­საც ჩემი ბევ­რი თა­ნამ­შრო­მე­ლი სა­ბავ­შვო ბაღ­ში და­დი­ო­და. ერთი-ორი მათ­გა­ნი, შე­საძ­ლოა, და­ბა­დე­ბუ­ლიც კი არ იყო. წლე­ბის მან­ძილ­ზე სა­ქარ­თვე­ლოს "კა­ვე­ე­ნის" ფე­დე­რა­ცი­ის ვიცე-პრე­ზი­დენ­ტი გახ­ლდით და ქუ­თა­ი­სი-იმე­რე­თი-და­სავ­ლეთ სა­ქარ­თვე­ლო მე­ბა­რა. ვი­ყა­ვი გუნ­დე­ბის რე­ჟი­სო­რი, სცე­ნა­რის­ტი. იუ­მო­რის­ტუ­ლი კონ­ცერ­ტე­ბის დამ­დგმე­ლი რე­ჟი­სო­რი. ჯერ "პი­კა­სოს ბი­ჭე­ბის" კონ­ცერ­ტებს ვა­კე­თებ­დი, ახლა კი უკვე "კო­მე­დი შოუს" კონ­ცერ­ტებს ვრე­ჟი­სო­რობ. ბოლო რამ­დე­ნი­მე წელი "კო­მე­დი შოუს" დამ­დგმე­ლი რე­ჟი­სო­რიც გახ­ლდით. რაც ეს სე­რი­ა­ლი და­ვი­წყეთ, აქეთ გად­მოვ­ბარ­გდი და "კო­მე­დის" რე­ჟი­სო­რე­ბი, მო­თა­მა­შე მწვრთნე­ლის სა­ხით, მიშა ან­დღუ­ლა­ძე და ნიკა არა­ბი­ძე არი­ან.

- იუ­მო­რის­ტო­ბის ასე­თი დიდი გა­მოც­დი­ლე­ბის მი­უ­ხე­და­ვად, პრო­ფე­სი­ით ვინ ხარ?

- ინ­ჟი­ნერ-მე­ქა­ნი­კო­სი. ახლა თბი­ლი­სის ქუ­ჩე­ბი რომ სავ­სეა ტრაქ­ტო­რე­ბით, ამ­წე­ე­ბით, ბულ­დო­ზე­რე­ბით, ეს არის ჩემი სპე­ცი­ა­ლო­ბა და ხუ­თი­ან­ზე მაქვს და­ცუ­ლი დიპ­ლო­მი, მაგ­რამ ამ სფე­რო­ში არა­სო­დეს მი­მუ­შა­ვია, რად­გან ინ­სტი­ტუ­ტი­დან პრაქ­ტი­კებ­ზე რომ გვიშ­ვებ­დნენ "ატე­კებ­ში", მე იქ არა­სო­დეს მივ­ლია. სად მე­ცა­ლა მა­გის­თვის, სულ სცე­ნა­ზე ვი­დე­ქი და სულ ვღა­და­ობ­დი.

- პრე­სა­შიც რომ მუ­შა­ობ­დი, შენი ბი­ოგ­რა­ფი­ი­დან ეს მო­ნაკ­ვე­თი რა­ტომ გა­მო­ტო­ვე?

- იმ პე­რი­ოდ­ში იუ­მო­რის­ტუ­ლი გა­და­ცე­მე­ბი არ არ­სე­ბობ­და. 1998 წელს ქუ­თა­ი­სი­დან "პი­კა­სოს ბი­ჭე­ბი" წა­მო­ვე­დით და პირ­ველ არხზე და­ვი­წყეთ იუ­მო­რის­ტუ­ლი სა­ინ­ფორ­მა­ციო პროგ­რა­მის კე­თე­ბა. წამ­ყვა­ნი და ჯგუ­ფის ხელ­მძღვა­ნე­ლი გახ­ლდით. ამ გა­და­ცე­მამ და­ახ­ლო­ე­ბით 2 წელი იარ­სე­ბა. სპონ­სო­რი არ გვყავ­და. ბი­ჭე­ბი ვე­ღარ გა­ჩერ­დნენ თბი­ლის­ში და ქუ­თა­ის­ში დაბ­რუნ­დნენ. მე კი აქ დავ­რჩი და პრე­სა­ში მუ­შა­ო­ბა და­ვი­წყე. ბევრ გა­მომ­ცემ­ლო­ბას­თან ვთა­ნამ­შრომ­ლობ­დი და ძი­რი­თა­დად, იუ­მო­რის­ტულ მა­სა­ლებს ვწერ­დი. ამა­სო­ბა­ში, და­ი­წყო "ღა­მის შოუ", სა­დაც დათო გო­გი­ჩა­იშ­ვილ­მა მი­მიწ­ვია. იქი­დან გა­მიჩ­ნდა ჭა­ღა­რა, და­მე­წყო ნევ­რო­ზი...

- ნევ­რო­ზი და იუ­მო­რი ერ­თმა­ნეთ­თან კავ­შირ­შია?

- აუ­ცი­ლებ­ლად. ნევ­რო­ზი ხომ მი­ლი­ო­ნი სა­ხი­საა. ჩემი აზ­რით, ერთ-ერთი - იუ­მო­რის­ტუ­ლი ნევ­რო­ზია. ძა­ლი­ან ბევ­რს ვმუ­შა­ობ და ხან­და­ხან ასე­თი ნევ­რო­ზი შე­მო­მი­ტევს ხოლ­მე.

- ამ და­ა­ვა­დე­ბას რო­გო­რი გა­მოვ­ლი­ნე­ბა აქვს?

- ცალ-ცალ­კე ასე­თი ნევ­რო­ზი ყვე­ლას გვე­მარ­თე­ბა ხოლ­მე, მაგ­რამ მა­სობ­რი­ვი ხა­სი­ა­თი კონ­ცერ­ტებ­ზე მუ­შა­ო­ბის დროს აქვს ხოლ­მე. წარ­მო­იდ­გი­ნე: გა­და­ცე­მებს ჩვე­ულ რე­ჟიმ­ში ვა­კე­თებთ და გარ­და ამი­სა, სა­ა­ხალ­წლო კონ­ცერ­ტე­ბის­თვი­საც უნდა მო­ვემ­ზა­დოთ. იმ პე­რი­ოდ­ში ძა­ლი­ან ბევრ ღა­მეს ვა­თე­ნებთ. მერე შე­მოგ­ვი­ტევს ეს ნევ­რო­ზი და უაზ­როდ, ის­ტე­რი­კუ­ლად, ყვე­ლა­ნი ერ­თად ვი­ცი­ნით.

- და­ახ­ლო­ე­ბით 10-15 წლის შემ­დეგ სად და რო­გო­რი წარ­მო­გიდ­გე­ნია თავი? ჭა­ღა­რა რომ უფრო მე­ტად მო­გე­რე­ვა და ასა­კიც საკ­მა­ოდ მო­გე­მა­ტე­ბა...

- 15 წლის შემ­დეგ 60 წლის ვიქ­ნე­ბი. წარ­მო­იდ­გი­ნე, რა მა­გა­რი და­ზღვე­ვა და პენ­სია მექ­ნე­ბა იმ დრო­ის­თვის. გარ­და ამი­სა, "რუს­თა­ვი 2"-ის იუ­მო­რის­ტუ­ლი დე­პარ­ტა­მენ­ტიც კარ­გად აყ­ვა­ვე­ბუ­ლი იქ­ნე­ბა და არა­ერ­თი იუ­მო­რის­ტუ­ლი პრო­ექ­ტის რე­დაქ­ტო­რი და რე­ჟი­სო­რი ვიქ­ნე­ბი. ამის ენერ­გია ნამ­დვი­ლად მექ­ნე­ბა. მე რა დამცლის?!. იუ­მო­რი გვღ­ლის, მაგ­რამ გა­ორ­მა­გე­ბუ­ლი ახა­ლი ენერ­გი­ით გვავ­სებს. 120 წელი უნდა ვი­ცო­ცხლო. 100 წლის რომ გავ­ხდე­ბი, ვი­ტყვი, მუ­შა­ო­ბა აღარ მინ­და-მეთ­ქი და წა­ვალ სად­მე, სო­ფელ­ში ვი­ცხოვ­რებ, სა­დაც ტბა იქ­ნე­ბა და ვი­თევ­ზა­ვებ ხოლ­მე.

ნა­თია ჟი­ვი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)