16
ივნისიდღის ზოგადი ასტროლოგიური პროგნოზი
საქართველოს კათოლიკოს-პატრიარქის მდივანმა, დეკანოზმა მიქაელ ბოტკოველმა 13 სექტემბერს, საღამოს, ფოთის საკათედრო ტაძრის ეზოში სასულიერო პირების მიერ ჟურნალისტის შეურაცხყოფის ფაქტთან დაკავშირებით კომენტარი გააკეთა. "სასულიერო პირები ფიზიკურად არავის არ უნდა ეხებოდნენ", - განაცხადა მიქაელ ბოტკოველმა.
მისივე თქმით, ამ ფაქტს ცალსახად უარყოფითი შეფასება ექნება ნებისმიერ შემთხვევაში.
"მაგრამ რამდენადაც კადრებში ვნახე, ეპისკოპოსის მხრიდან არ იყო ფიზიკურად ვინმეზე შეხება, ეს არ ჩანს ყოველ შემთხვევაში, ამ მასალაში. ის მიდის, ამოწმებს სამშენებლო სამუშაოებს და ჟურნალისტის მხრიდან არის მცდელობა, რომ მისგან ინტერვიუ აიღოს, რაზეც მეუფე, როგორც ჩანს, უარს აცხადებს. დავინახე, რომ არა ეპისკოპოსი, არამედ მღვდელმსახური ცდილობდა, ჟურნალისტისთვის ხელი შეეშალა გადაღებაში, რასაც შემდეგ ჟურნალისტის თქმით, მოჰყვა ის, რომ სასულიერო პირმა ძირს დააგდო კამერა. ესეც ვერ დავინახე მასალაში, რომ კამერა ძირს დააგდო, ცხადია თუ დააგდო, ის კამერა ამას ვერ დააფიქსირებდა, მაგრამ ამბობენ, რომ ამის დამადასტურებელი ფოტოებიც არსებობს. თუ ვიზუალური მასალა არსებობს, ეს მსჯელობა, რა თქმა უნდა, უნდა გაგრძელდეს და ამას შეფასება უნდა მოჰყვეს. პატრიარქის პოზიცია ამ საკითხთან დაკავშირებით არ ვიცი, არც ის ვიცი აჩვენეს თუ არა უკვე ეს კადრები," - განაცხადა მიქაელ ბოტკოველმა.
